ବାରହା ଶିକାର ଅଭିଯୋଗରେ ୪ ଶିକାରୀ ଗିରଫ
ନୂଆପଡ଼ା,୧୨.୦୭.(ସୁଜିତ କୁମାର ପ୍ରଧାନ )ନୂଆପଡ଼ା ଜିଲ୍ଲା କୋମନା ବନ ବିଭାଗକୁ ଏକ ବଡ ଧରଣର ସଫଳତା ମିଳିଛି l ବିଦ୍ୟୁତ୍ ତାର ଲଗାଇ ବାରହା ଶିକାର କରିଥିବା ଅଭିଯୋଗରେ ଭାଲୁକୋନା ଗାଁର ୪ ଶିକାରୀଙ୍କୁ ଗିରଫ କରା ଯାଇଛି l ବିଶେଷ ସୂତ୍ରରୁ ସୂଚନା ପାଇ କୋମନା ବନ ବିଭାଗର ଏକ ସ୍ବତନ୍ତ୍ର ଟିମ୍ ଭାଲୁକୋନା ଗାଁରେ ଚଢାଉ କରି ଥିଲେ l ଏକ ଧାନ ଖଳାରେ ବାରହା ମାଂସ କାଟୁ ଥିବା ବେଳେ ସୋମନାଥ ସାହୁ( ୫୧)ମାଧବ ମାଝୀ (୨୬)ଭୁବନ ମାଝୀ( ୪୦) ଓ ଦିଲୀପ ମାଝୀ (୨୮)ଙ୍କୁ ଘଟଣା ସ୍ଥଳରୁ ଗିରଫ କରିଥିଲା ବନ ବିଭାଗ l ତାଙ୍କ ପାଖରୁ ୨ କିଲୋଗ୍ରାମ ୨୦୦ ଗ୍ରାମ ବାରହା ମାଂସ ଜବତ ହୋଇଛି lଏହି ଶିକାରୀମାନେ ଜଙ୍ଗଲରେ ବିଦ୍ୟୁତ୍ ତାର ଲଗାଇ ବାରହା ଶିକାର କରୁ ଥିଲେ l ଗତ ୬ ମାସ ତଳେ ମଧ୍ୟ ବାରହା ଶିକାର ଅଭିଯୋଗରେ ଗିରଫ ହୋଇ କୋର୍ଟ ଚାଲାଣ ହୋଇ ଥିଲେ l ଆଜି ସମସ୍ତ ୪ ଶିକାରୀଙ୍କୁ କୋର୍ଟ ଚାଲାଣ କରା ଯାଇଛି l
