ଡକାୟତି ଉଦ୍ୟମ ପଣ୍ଡ : ରାଉରକେଲା ପୋଲିସ୍ ଦ୍ବାରା ୫ ଅଭିଯୁକ୍ତ ଗିରଫ ଓ ଅସ୍ତ୍ରଶସ୍ତ୍ର ଜବତ
ରାଉରକେଲା ୧୫/୭, ଜୁଲାଇ ୧୪ ଓ ୧୫ ତାରିଖ ମଧ୍ୟରାତ୍ରିରେ ପ୍ଲାଣ୍ଟସାଇଟ୍ ଥାନା ଏସ୍ଆଇ ୟୁ କେ ଅହିର ଅନ୍ୟାନ୍ୟ ଥାନା କର୍ମଚାରୀଙ୍କ ସହିତ ପ୍ଲାଣ୍ଟସାଇଟ୍ ଥାନା ଅଞ୍ଚଳରେ ରାତ୍ରି ପାଟ୍ରୋଲିଂ ଡ୍ୟୁଟି କରୁଥିବା ସମୟରେ, ବିଶ୍ୱସ୍ତ ସୂଚନା ପାଇବା ପରେ ୫ ଜଣ ଅଭିଯୁକ୍ତଙ୍କୁ ଗିରଫ କରିଥିଲେ। ସେମାନେ ହେଲେ ବାନ୍ତି ମନସୁରୀ, ଇରଫାନ୍ ଖାନ୍, ବିଶାଲ କୁମାର ତନ୍ତୀ, ସମ୍ଭୁ ରାମ ଏବଂ ମହମ୍ମଦ ସହିଦଓ୍ବାଲୁ। ଅଭିଯୁକ୍ତମାନେ ରାଉରକେଲାର ବିର୍ସା ଛକ ନିକଟସ୍ଥ ଟ୍ରାଫିକ୍ ମାର୍କେଟ ପାର୍କିଂ ସ୍ଥଳ ଭିତରେ ଏକ ନିର୍ଜନ ସ୍ଥାନରେ ଏକତ୍ରିତ ହୋଇ ଖଣ୍ଡା, ଭୁଜାଲି (କାତି) ଲୁହା ରଡ଼ ସହିତ ପଥଚାରୀ, ନିକଟବର୍ତ୍ତୀ ଘର, ଦୋକାନ, ପେଟ୍ରୋଲ ପମ୍ପରୁ ଡକାୟତି କରିବା ପାଇଁ ସଜ୍ଜିତ ଥିଲେ। ପୋଲିସର ତୁରନ୍ତ କାର୍ଯ୍ୟାନୁଷ୍ଠାନ ଫଳରେ ଏକ ଜଘନ୍ୟ ଅପରାଧକୁ ରୋକାଯାଇ ପାରିଲା ଏବଂ ଅପରାଧୀମାନଙ୍କୁ ଗିରଫ କରି କୋର୍ଟକୁ ପଠାଯାଇଥିଲା।
ଗିରଫ ଅଭିଯୁକ୍ତମାନେ ହେଲେ ରାଉରକେଲା ପ୍ଲାଣ୍ଟସାଇଟ୍ ଥାନା ଅଧିନସ୍ଥ ଗୋପବନ୍ଧୁପାଲ୍ଲିର ବାନ୍ତି ମନସୁରୀ (୩୨) ବର୍ଷ, ରାଉରକେଲା ପ୍ଲାଣ୍ଟସାଇଟ୍ ଥାନା ଅଧିନସ୍ଥ ଗୋପବନ୍ଧୁପାଲ୍ଲିର ଇରଫାନ୍ ଖାନ୍ (୧୯), ରାଉରକେଲା ପ୍ଲାଣ୍ଟସାଇଟ୍ ଥାନା ଅଧିନସ୍ଥ ଗୋପବନ୍ଧୁପାଲ୍ଲିର ବିଶାଲ କୁମାର ତନ୍ତୀ (୧୯), ରାଉରକେଲା ପ୍ଲାଣ୍ଟସାଇଟ୍ ଥାନା ଅଧିନସ୍ଥ ଗୁରୁଦ୍ଵାର ରୋଡ ନୂଆ ବସ୍ ଷ୍ଟାଣ୍ଡ ନିକଟସ୍ଥ ଶମ୍ଭୁ ରାମ (୨୩) ଏବଂ ଅନ୍ୟ ଜଣକ ରାଉରକେଲା ପ୍ଲାଣ୍ଟସାଇଟ୍ ଥାନା ଅଧିନସ୍ଥ ମହତାବ ରୋଡ୍ର ଏମଡି ସାହିଦ (୧୯) ବର୍ଷ ।ଅଭିଯୁକ୍ତଙ୍କ ନିକଟରୁ ୨ଟି ଲୁହା ଖଣ୍ଡା, ଗୋଟିଏ ଭୁଜାଲି (କାତି), ୨ଟି ଲୁହା ରଡ୍ ଜବତ୍ କରାଯାଇଛି।
ଅଭିଯୁକ୍ତ ଶମ୍ଭୁ ରାମ ବିରୁଦ୍ଧରେ ପୂର୍ବରୁ ବିଭିନ୍ନ ଥାନାରେ ୧୬ ମାମଲା ରହିଥିବା ବେଳେ ଅଭିଯୁକ୍ତ ବଣ୍ଟି ମନସୁରୀ ନାମରେ ବିଭିନ୍ନ ଥାନାରେ ୭ଟି ମାମଲା ରହିଛି।
ସମସ୍ତ ୫ ଅଭିଯୁକ୍ତଙ୍କ ବିରୋଧରେ ବିଏନ୍ଏସର ଧାରା ୩୧୦(୪)/୩୧୦(୫) ଏବଂ ଆର୍ମସ ଆକ୍ଟ ୨୫(୧)ଏ ଅନୁଯାୟୀ ପ୍ଲାଣ୍ଟସାଇଟ୍ ଥାନାରେ କେସ୍ ନମ୍ବର – ୭୨୬ ରୁଜୁ କରାଯାଇ କୋର୍ଟ ଚାଲାଣ କରାଯାଇଛି।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
