ରାଇରଙ୍ଗପୁର ଉପଖଣ୍ଡ କୁସୁମୀ ବ୍ଲକର କାଶୀଆବେଡା ରାଜସ୍ବ ଗ୍ରାମର ତାବୋଡ଼ଗଡ଼ା–ଗୋଡ଼ାସାହିରେ ବିଦ୍ୟୁତ ଓ ରାସ୍ତା ଦାବି ଜୋରଦାର
ଏକ ମାସ ମଧ୍ୟରେ ବିଦ୍ୟୁତ ନ ମିଳିଲେ ଜନଆନ୍ଦୋଳନ ଚେତାବନୀ
ରାଇରଙ୍ଗପୁର- ୧୪/୦୯ : କୁସୁମୀ ବ୍ଲକ ଧାଙ୍ଗଡ଼ିମୁତା ଗ୍ରାମପଞ୍ଚାୟତ ଅନ୍ତର୍ଗତ କାସିଆବେଡ଼ା ରାଜସ୍ୱ ଗ୍ରାମର ତାବୋଡ଼ଗଡ଼ା–ଗୋଡ଼ା ହାମ୍ଲେଟ୍ରେ ୧୪ରୁ ଅଧିକ ଆଦିବାସୀ ପରିବାର ଦୀର୍ଘଦିନ ଧରି ବିଦ୍ୟୁତ ଓ ଉନ୍ନତ ରାସ୍ତା ସୁବିଧାରୁ ବଞ୍ଚିତ ଅଛନ୍ତି।
ସମସ୍ୟା ସମ୍ପର୍କରେ ଖବର ପାଇ ପୂର୍ବତନ ବିଧାୟକ ପ୍ରହ୍ଲାଦ ପୂର୍ତ୍ତି ଗ୍ରାମକୁ ଯାଇ ଗ୍ରାମବାସୀଙ୍କ ସହ ଆଲୋଚନା କରି ସେମାନଙ୍କ ସମସ୍ୟା ଶୁଣିଥିଲେ। ଏହାସହ ସମ୍ପୃକ୍ତ ବିଦ୍ୟୁତ ଓ ପ୍ରଶାସନିକ ବିଭାଗର ଅଧିକାରୀଙ୍କ ନିକଟରେ ଶୀଘ୍ର ବିଦ୍ୟୁତ ସଂଯୋଗ ଓ ରାସ୍ତା ସୁବିଧା ଯୋଗାଇଦେବାକୁ ଦାବି କରିଛନ୍ତି।
ଗ୍ରାମବାସୀଙ୍କ ଅଭିଯୋଗ ଅନୁଯାୟୀ, ଏନେଇ ଜିଲ୍ଲା ପ୍ରଶାସନ, ବନ ବିଭାଗ ଓ ବିଦ୍ୟୁତ ବିଭାଗ ନିକଟରେ ବାରମ୍ବାର ଦାବି ଜଣାଇଥିଲେ ମଧ୍ୟ ସମସ୍ୟାର ସ୍ଥାୟୀ ସମାଧାନ ହୋଇନାହିଁ। ବିଦ୍ୟୁତ ନଥିବାରୁ ଛାତ୍ରଛାତ୍ରୀଙ୍କ ପାଠପଢ଼ା ସହ ଗ୍ରାମବାସୀଙ୍କ ଦୈନନ୍ଦିନ ଜୀବନ ଓ କୃଷିକାର୍ଯ୍ୟ ପ୍ରଭାବିତ ହେଉଛି।
ଏକ ମାସ ମଧ୍ୟରେ ବିଦ୍ୟୁତ ସଂଯୋଗ ଯୋଗାଇ ଦିଆ ନଗଲେ ଗ୍ରାମବାସୀଙ୍କ ସହ ଗଣତାନ୍ତ୍ରିକ ଓ ଶାନ୍ତିପୂର୍ଣ୍ଣ ଜନଆନ୍ଦୋଳନ କରାଯିବ ବୋଲି ପୂର୍ବତନ ବିଧାୟକ ପ୍ରହ୍ଲାଦ ପୂର୍ତ୍ତି ଚେତାବନୀ ଦେଇଛନ୍ତି।
ରାଇରଙ୍ଗପୁର ରୁ ଅକ୍ଷୟ ବିଶ୍ୱାଳ ଙ୍କ ରିପୋର୍ଟ୍
