ପାଣି ମୁନ୍ଦାଏ ପାଇଁ ଡହଳ ବିକଳ ଗ୍ରାମ ବାସୀ
ବସୁଧା ଯୋଜନା ଫେଲ୍
ଧର୍ମଗଡ:୨୭/୫/୨୨: ପାରଦ ୪୩° କୁ ଡେଇଲାଣୀ । ପ୍ରବଳ ଗ୍ରୀଷ୍ମ ପ୍ରବାହଯୋଗୁ କୁଅଁ ପୋଖରୀ ସବୁ ଶୁଖିଲା ଅବସ୍ଥାକୁ ଆସିଗଲାଣି । ଜଳ କଷ୍ଠ ସାଙ୍ଗ କୁ ଲୋକେ ଅସହ୍ୟ ଗରମ ରେ ଘାଣ୍ଟି ହେଉଛନ୍ତି । ଠିକ ଏତିକି ବେଳେ ପାଇପ୍ ଯୋଗେ ଯୋଗାଣ ହେଉଥିବା ପାନୀୟ ଜଳ ଯୋଗାଣ ମଧ୍ୟ ବନ୍ଦ ହୋଇଯିବା ଲୋକ ଙ୍କୁ ଜଳ କଷ୍ଟ କୁ ଦ୍ଵିଗୁଣିତ କରୁଛି ।
ଅଭିଯୋଗ ଅନୁଯାୟୀ ଧର୍ମଗଡ ବ୍ଲକ ଅନ୍ତର୍ଗତ ବେହେରା ଗ୍ରାମ ରେ ବସୁଧା ଯୋଜନା ରେ ଲକ୍ଷାଧିକ ଟଙ୍କା ବ୍ୟୟ ରେ ୨୦୧୬ ମସିହା ରେ ଏକ ପାନୀୟ ଜଳ ପ୍ରକଳ୍ପ ନିର୍ମାଣ ହୋଇଛି । ଏଠା ରୁ ସ୍ଥାନୀୟ ଲୋକ ଙ୍କୁ ପାଇପ ଯୋଗେ ପାନୀୟ ଜଳ ଯୋଗାଣ ହେଉଛି । ଏଥି ପାଇଁ ଲୋକେ ମାସିକ ଶହେ ଟଙ୍କା ଲେଖାଏଁ ଫିଜ୍ ମଧ୍ଯ ଦେଉଛନ୍ତି । 
ତେବେ ଗତ ଏକ ସପ୍ତାହ ହେଲା ହଠାତ ପାନୀୟ ଜଳ ଯୋଗାଣ ବନ୍ଦ ରହିଛି । ଫଳ ରେ ଲୋକେ ପାଣି ଟୋପାଏ ପାଇଁ ଡହଳ ବିକଳ ହେଉଛନ୍ତି । ଅଧିକାରୀ ଙ୍କୁ ଜଣାଇଲେ ମଧ୍ଯ କୌଣସି ସୁଫଳ ମିଲୁନଥିବା ଲୋକେ ଅଭିଯୋଗ କରିଛନ୍ତି । କୁହା ଯାଉଛି ଯେ ନିକଟସ୍ତ ନଦୀ ରୁ ଜଳ ଯୋଗାଣ ପ୍ରକଳ୍ପ କୁ ପାଣି ଆସୁଥିବା ପାଇପ ଲାଇନ୍ ଫାଟି ଯାଇଥିବାରୁ ଜଳ ଯୋଗାଣ ବାଧା ପ୍ରାପ୍ତ ହେଉଛି । 
ତେବେ ସପ୍ତାହେ ରୁ ଅଧିକା ସମୟ ଅତିକ୍ରାନ୍ତ ହୋଇ ଥିଲେ ମଧ୍ଯ ପାଇପ ଲାଇନ୍ ମରାମତି ନ ହେବା ବିଭାଗୀୟ କାର୍ଯ୍ଯ ଶୈଳୀ ପ୍ରତି ଅଙ୍ଗୁଳି ନିର୍ଦ୍ଦେଶ କରୁଛି । ଖାଲି ସେତିକି ନୁହେଁ ପାନୀୟ ଜଳ ଯୋଗାଣ ଦାୟିତ୍ଵ ରେ ଥିବା ଏସଇଏମ ମଧ୍ୟ ପ୍ରକଳ୍ପ ଠିକ ଥିବା ସମୟ ରେ ମନ ଇଚ୍ଛା ଜଳ ଯୋଗାଣ କରୁଥିବା ନେଇ ଗ୍ରାମ ବାସୀ ଅସନ୍ତୋଷ ପ୍ରକାଶ କରିଛନ୍ତି । ଏ ସମ୍ପର୍କ ରେ ଦାୟିତ୍ଵ ରେ ଥିବା କନିଷ୍ଠ ଯନ୍ତ୍ରୀ ଫଣିନ୍ଦ୍ର କୁମାର ଅର୍କ ଙ୍କୁ ଯୋଗା ଯୋଗ କରିବାକୁ ଚେଷ୍ଟା କରିଥିଲେ ହେଁ ସେ ଫୋନ ଉଠାଇ ନ ଥିଲେ । ସହକାରୀ ଯନ୍ତ୍ରୀ ଅଙ୍କିତ ପ୍ରତୀକ ଟପୋ ଙ୍କୁ ଯୋଗା ଯୋଗ କରିବାରୁ ଦିନେ ଦୁଇଦିନ ମଧ୍ୟରେ ଏହାର ମରାମତି କରି ଦିଆ ଯିବ ବୋଲି କହିଥିଲେ ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ ।
