ଜଣାଣ
ମାନଗୋବିନ୍ଦ ସ୍ବାଇଁ
ପ୍ରଭୁ ଡାକିଦେଲ ଆସିଗଲି ପୁରୀ
ବଡ଼ଦାଣ୍ଡ ଠିଆ ରଜା
ଡାକୁଛି ଭକତ ମୋ କାଳିଆ ରଜା
ବଡ଼ଦାଣ୍ଡ ହୋଇ ସଜା।
ଲାଗିଛି ତାହାର ପରବ ଉତ୍ସବ
ବିଶ୍ବ ଜନ ନିମନ୍ତ୍ରଣ
ମେଳା ଉପଭୋଗ ସଭିଏଁ କରିବା
ପ୍ରଭୁଙ୍କୁ କରି ଦର୍ଶନ।
କିଏ ଦେ ନଡ଼ିଆ କିଏ ଦିଏ ମାଳ
କିଏ ଦେ ନାଲିଆ ବାନା
ଯାଚିଦେଲେ ତାକୁ ପୂରଣ ମୋ ଆଶା
ଦୂର ହବ ମୋ ଯନ୍ତ୍ରଣା।
କିଏ ଛୁଇଁ ରଥ କିଏ ଟାଣେ ରଥ
କାହା ପାପ ଯାଏ ଛାଡି
ନମସ୍କାର କରୁ ଭକ୍ତି ମଧ୍ୟ କରୁ
ସର୍ବ ଜନ ହାତ ଯୋଡ଼ି।
କିଏ ଶୁଣି ଗୀତ ସ୍ଥିର ଭକ୍ତି କରେ
କାହା ଚକ୍ଷୁ ଝରେ ଲୁହ
କାଳିଆ ପ୍ରେମରେ ମଜି ଯାଇ ଥାଏ
ଭକ୍ତ ଭଗବାନ ଏକ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
