ପ୍ରାର୍ଥନା
ମାନଗୋବିନ୍ଦ ସ୍ବାଇଁ
ଦେଖା ନାହିଁ ପ୍ରଭୁ କାହା ଦୋଷ ଛବି
ଭଲ ଗୁଣ ଶିକ୍ଷା ଦିଅ
ଭଲର ମଣିଷ ଜଗତେ ରହିବି
ସେହି ସତ ପଦ କୁହ।
ମିଛ ପଦ କଥା ନଆସୁ ଏ ତୁଣ୍ଡେ
ସତ ଦିଅ ମୋ ବଚନ
ଦୁଷ୍ଟ ମୋ ପ୍ରକୃତି ମୋ ପାଖକୁ ଛାଡ଼ୁ
ମାଗୁଛି ଏ ମୋ ଶରଣ।
ଜନମ ଦେଇଛ ମରଣ ରଖିଛ
ଭାଗ୍ୟ ମୋର ଅଟେ ଫଳ
ଯାହା ଯେବେ ଆସୁ ସାହା ଦିଅ ପ୍ରଭୁ
ସମ୍ଭାଳି ନେବା ମୋ ବଳ।
ଭକତି ମାଗୁଛି ଶକତି ଦିଅ ହେ
ପ୍ରଭୁ ପାଦ ତଳେ ଅଳି
ମୋ ଭାବ ରଖିବ ସବୁ ଦିନ ପାଇଁ
ଧୂପ ଦୀପ ଦେଇ ଅଳି।
ମୋ ମନ ମନ୍ଦିର ଆରାଧ୍ୟ ଦେବତା
ଫୁଲ ଦୀପ ଦେଇ ପୂଜା
ମନ୍ତ୍ର ପାଠ କରି ପ୍ରାର୍ଥନା କରୁଛି
ପ୍ରଭୁଙ୍କ ଉଡ଼ାଇ ଧ୍ଵଜା।
ଗୋଜାବନ୍ଧ ମହାକାଳପଡ଼ା କେନ୍ଦ୍ରାପଡ଼ା
