ନୂଆପଡା ଜିଲ୍ଲା ଖଡ଼ିଆଳ ବ୍ଲକ ନେହେନା ଆଶ୍ରମ ବିଦ୍ୟାଳୟ ପ୍ରାଙ୍ଗଣରେ ଖଡ଼ିଆଳ ବ୍ଲକର ୭ ଗୋଟି ଆଶ୍ରମ ସେବାଶ୍ରମର ଶିକ୍ଷକ ଶିକ୍ଷୟତ୍ରୀ ମାନଙ୍କୁ ନେଇ ଖଡ଼ିଆଳ ବ୍ଲକ କମିଟି ଚୟନ କାର୍ଯ୍ୟ ଅନୁଷ୍ଠିତ ହୋଇଯାଇଛି | ଉକ୍ତ ବୈଠକରେ ସଙ୍ଘର ନୂଆପଡା ଜିଲ୍ଲା ସଭାପତି ସୁଶୀଲ କୁମାର ପତି, ସାଧାରଣ ସମ୍ପାଦକ ଲାଇବନ ବାଗ, କୋଷାଧକ୍ଷ ପୂର୍ଣ୍ଣଚନ୍ଦ୍ର ପରିଡା, ବୋଡେ଼ନ ବ୍ଲକର ଜିଲ୍ଲା ପ୍ରତିନିଧି ଟିକେରାମ ମେହେର ପ୍ରମୁଖ ମଞ୍ଚାସିନ ଥିଲେ | ସର୍ବସମ୍ମତି କ୍ରମେ ଖଡ଼ିଆଳ ବ୍ଲକ କମିଟି ଚୟନ କରାଯାଇଥିଲା | ଖଡ଼ିଆଳ ବ୍ଲକ ସଭାପତି ଭାବରେ ପୀତବାସ ଜଗତ ହୋଇଥିବା ବେଳେ ଉପସଭାପତି ପ୍ରଦୀପ ମହାପାତ୍ର, ସମ୍ପାଦକ ଉମାକାନ୍ତ ମେହେର, ସହସମ୍ପାଦକ ମାନିନୀ ମେହେର, କୋଷାଧ୍ୟକ୍ଷ ଆଲୋକ ରଞ୍ଜନ ସୁନାନୀଙ୍କୁ ମନୋନୀତ କରାଯାଇଥିଲା | ଜିଲ୍ଲା ସଭାପତି ସୁଶୀଲ କୁମାର ପତି ଉପସ୍ଥିତ ରହି ଶିକ୍ଷକ ଓ ଶିକ୍ଷୟତ୍ରୀ ମାନଙ୍କୁ ସଂଘର ଉଦେଶ୍ୟ ଓ ସଭ୍ୟ, ସଭ୍ୟା ମାନଙ୍କ କର୍ତବ୍ୟ ଉପରେ ଧାରଣା ଦେଇଥିଲେ | ଶେଷରେ ରୁଦ୍ରବାଗ ଧନ୍ୟବାଦ ଅର୍ପଣ କରିଥିଲେ । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
