ପ୍ରାବୃଟ
ନଳିନୀ ପ୍ରଭା ମିଶ୍ର
ପ୍ରାବୃଟ ଆଗତ ମହୀରେ
ଧରା କରି ଶୋଭିତ
ପ୍ରାନ୍ତର ସବୁଜ ଘାସ ରେ
ହୁଏ ପରିପୂରିତ।
ପ୍ରକାମ ଜଳର ଲବ୍ଧତା
ଯୋଗେ ପ୍ରାଣୀ ହରଷ
ପ୍ରକୃତି ଧରିଲା ସବୁଜ
ରୂପ ବର୍ଣ୍ଣ ବିଶେଷ।
ପ୍ର ତପ୍ତ କଷ୍ଟକୁ ଦୂରେଇ
ନଭୁ ଝରାଇ ବାରି
ପ୍ରମାଣ କରିଲା ଋତୁଟି
ଉପକାରୀ ସବୁରି।
ପ୍ରସୂନ ଫୁଟିଲେ ନାନାଦି
ମଲ୍ଲୀ, ଚମ୍ପକ,ଯୂଇ
ପ୍ରଭିନ୍ନ ମାଳତୀ ବିତରେ
ବାସ ନିଭୃତେ ରହି।
ପ୍ରବଳ ସ୍ରୋତରେ ତଟିନୀ
ବର୍ଷା ଆଧିକ୍ୟ ହୋଇ
ପ୍ଲବ ହୁଳହୁଳି ସ୍ଵରରେ
ଦେଲେ ସ୍ଵାଗତ ଗାଇ।
ପ୍ରହ୍ଲାଦ ମାନସ ଚଷାର
ହୁଏ ଉଦ୍ ବେଳନ
ପ୍ରାତଃ କାଳେ କ୍ଷେତେ
ଚଳ ଇ କରେ ରୋପଣ ଧାନ।
ପ୍ରସନ୍ନ ମାନସ କେକୀର
ମେଘ ଦେଖି ଆକାଶେ
ପୁଚ୍ଛ ମେଲି କରେ ନର୍ତ୍ତନ
ଦୂର ଗିରି ପ୍ରଦେଶେ।
ପ୍ରଚ୍ଛନ କାଳିମା ଘୋଟ ଇ
ଶୁଭେ ଝିଙ୍କାରି ସ୍ଵନ
ପ୍ରହର ନିଶୀଥେ ଶୂଗାଳ
ଭୀତ କରାଏ ମନ।
ପ୍ରଖ୍ୟାତ ପର୍ବ ଆସ ଇ
ରଥ ଯାତରା ଯେବେ
ପ୍ରାବୃଟ ର ଦିନ ନିଆରା
ମନେ ଲାଗ ଇ ତେବେ।
ମୁକୁନ୍ଦ ପୁର, ଆସ୍କା, ଗଞ୍ଜାମ
