ଡାବୁଗାଁ, ୧୭/୭ ନବରଙ୍ଗପୁର ଜିଲା ଡାବୁଗାଁ ମୁଖ୍ୟ ରାସ୍ତା ମା ତାରିଣୀ ମନ୍ଦିର ଛକରୁ ସ୍ଵାସ୍ଥ୍ୟ କେନ୍ଦ୍ର ଯିବା ରାସ୍ତାରେ ରବିବାର ଏକ ବିରାଟ ଗଛ ପଡି ରାସ୍ତା ଅବରୋଧ ହୋଇଥିଲା । ଗଛ ପଡି ରାସ୍ତା ଅବରୋଧ ହୋଇଥିବା ଡାବୁଗାଁ ଥାନା ଅଧିକାରୀ ଅଭିମନ୍ୟୁ ଦୁର୍ଗା ଖବର ପାଇ ଥାନା ଏଏସ୍ ଆଇ ଶିଶିରକାନ୍ତ ଘୋଷ ଙ୍କୁ ଘଟଣା ସ୍ଥଳକୁ ପଠାଇବା ସହ ଅଗ୍ନିଶମ ବିଭାଗକୁ ଖବର ଦେଇଥିଲେ । 
ଅଗ୍ନିଶମ ବିଭାଗ ପହଞ୍ଚି ବିରାଟ ଗଛକୁ ମେସିନ୍ କରତ ରେ ଖଣ୍ଡ ଖଣ୍ଡ କରିଦେବାରୁ ଜେସିବି ସାହାଯ୍ୟ ରେ ରାସ୍ତାରୁ ଗଛ ସଫା କରାଯାଇ ଯାତାୟତର ସୁବିଧା କରାଯାଇଥିଲା । ଗଛ ପଡି ଯାଇ ଥିବାରୁ ଦୁଇ ପାର୍ଶ୍ଵରେ ଗାଡି ଅଟକି ରହି ଥିବା ବେଳେ ଆମ୍ବୁଲାନ୍ସ ମଧ୍ୟ ଅଧା ଘଣ୍ଟା ଅଟକି ଯାଇଥିଲା । ଅଗ୍ନିଶମ ବିଭାଗ ଡାବୁଗାଁ ରେ ଥିବାରୁ ଖୁବ୍ ଶିଘ୍ର ରାସ୍ତାରୁ ଗଛ ହଟାଇ ରାସ୍ତା ଖାଲି କରାଯାଇପାରିଥିଲା । ଅଗ୍ନିଶମ ବିଭାଗ ସହ ଡାବୁଗାଁ ପୋଲିସ କୁ ତୁରନ୍ତ ରାସ୍ତାଖାଲି ହୋଇଯାଇ ଟ୍ରାଫିକ ସମସ୍ୟା ଦୁର ହୋଇଥିବା ଯୋଗୁ ଜନସାଧାରଣ ରେ ପ୍ରଶଂସା କରାଯାଇଛି । ପ୍ରଜ୍ଞାରଞ୍ଜନ ପରିଡା, ଡାବୁଗାଁ ଙ୍କ ରିପୋର୍ଟ
