ସକାଳ ଜଣାଣ

ମାନଗୋବିନ୍ଦ ସ୍ବାଇଁ

କି ସୁନ୍ଦର ଦିଶ ପ୍ରଭୁ ରଥେ ବସି

       ଭକ୍ତ କୁ ଦିଅ ଦର୍ଶନ

କାହାକୁ ପାଖରୁ କାହାକୁ ଦୂରରୁ

      ବୁଝି ପାର ଭକ୍ତ ମନ।

ଚନ୍ଦନ ଲଗାଇ ତୁଳସୀ ଜଳରୁ

    ଦୃଶ୍ୟ ହେଉଛି ଈଶ୍ୱର

ବଡ଼ଦାଣ୍ଡ ଧୂଳି ମୁଣ୍ଡ ପରେ ବୋଳି

    କହୁ ମୁ ଭକ୍ତ ତୁମର।

ଧରିଲେ ଦଉଡି ପାପ‌ ଯାଏ ଛାଡି

        ପବିତ୍ର ହୁଏ ଜୀବନ

ପୁଣ୍ୟ କାମ କଲେ ଦାନ ଧର୍ମ ଦେଲେ

     ପୁଣ୍ୟ ଫଳ ଭଗବାନ।

ମନର ପବିତ୍ର ଭଜନ ଜଣାଣ

    ଦୃଶ୍ୟର ଆନନ୍ଦ ଛବି

ମନ ମନ୍ତ୍ର ପାଠ ହୃଦୟ ଚିନ୍ତନ

    ତୃପ୍ତି ଲାଗେ ରୂପ ଛବି।

ହୁଳହୁଳି ଶବ୍ଦ ହରିବୋଲ ଧ୍ବନି

    ମଙ୍ଗଳ ଡାହୁକ ଡାକ

ଘଣ୍ଟ କର ତାଳ ବାଜା ଆଦି ବାଦ୍ୟ

      ଯାତ୍ରା କୁ କରି ଆଲୋକ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା