ଶ୍ରାବଣୀ ବ୍ରତ

(ରାଗ -କଳଶା )

ଅଳପେ ସନ୍ତୋଷ ନାମ ବହି ଆଶୁତୋଷ

ହେମଙ୍ଗଳମୟ  ଚିର ସତ୍ୟ ସନାତନl 

ମହା ମୃତୁଞ୍ଜୟ ତ୍ୟାଗୀ କାମନାରହିତ

ନିଷ୍ଠାରେ ଶ୍ରାବଣୀ ବ୍ରତ ପାଳଇ ଭକତ l 

ବିଶ୍ୱର ମଙ୍ଗଳେ ଦେବ ଦେବ ମହାଦେବ

କାଳକୂଟ ପାନେ କଣ୍ଠ କଲ ନୀଳବର୍ଣ୍ଣ l 

ବିଷର ଜ୍ୱାଳାରେ ଶମ୍ଭୁ ନିଦ୍ରା ଅଭିଭୂତ

ଉପଶମ ପାଇଁ ଦେବେ ପାଞ୍ଚିଲେ ଉପାୟ l 

ଶ୍ରାବଣୀ ବ୍ରତର ଦେବେ କରି ଆରମ୍ଭିଣ

ଶିରେ ଆଣି ଗଙ୍ଗାଜଳ କଲେ ବରଷଣ l 

ଶ୍ରାବଣ ମାସର ପ୍ରତି ସୋମବାର ପ୍ରାତେ

ସ୍ନାନ ଅନ୍ତେ ପୁଣ୍ୟ ତୀର୍ଥଜଳର କଳସେ l 

ମସ୍ତକରେ ଅବା ସ୍କନ୍ଧେ ବ୍ରତଚାରି ବହି

ବୋଲବମ ଶଵଦେ ଶୈବ ପୀଠେ ଯାଇ l 

ପ୍ରିୟ ପୁଷ୍ପ ରୂପେ ଚମ୍ପାଦୁର୍ଦୁରାଗଇଶ

ତ୍ରିଶାଖା ବେଲ୍ଵର ପତ୍ର ଦୀପ ନଇବେଦ୍ୟ l 

ସମର୍ପିତ ଶିର ପରେ ଜଳ ଅଭିଷେକେ

ଆରତୀ ଶେଷରେ କରି ସାତ୍ତ୍ଵିକ ଭୋଜନେ l 

ଶିବଲିଙ୍ଗେ କୃଷ୍ଣlଗୁରୁ ଚନ୍ଦନ ଲେପନ

ମହାକୃପା ଆଣେ ଅରପିତ ଜଳଧାର l 

ଏକାଗ୍ରତା ସହ ବ୍ରତ ପାଳନର ଵିଧି

କାମନା ପୂରଣେ ଚର୍ତୁବର୍ଗ ଫଳ ଲଭି l 

ନର୍ମଦା ନାୟକ

ରାଉରକେଲା