ଆସିଲା ବରଷା
କବିତା ସାହୁ
ସରିଲା ଗ୍ରୀଷିମ ମୁଣ୍ଡ ଫଟା ଖରା
ଝରିଲା ଆକାଶୁ ବରଷାର ଧାରା ।
ପଶ୍ଚିମ ଆକାଶୁ ମେଘ ଘୋଟି ଆସେ
କଳା ବଉଦର ଚାଦର ଘେରି ।
ସୁରୁଜ ଲୁଚଇ ଖରା ନ ଆସଇ
ଘଡଘଡି ମାରେ
ବିଜୁଳି ଚମକେ ରହି ରହି ।
ଭେଳା ଭେଳା ଭସା ବାଦଲ ଭାସଇ
ଜହ୍ନ ତାରକାର ଦେଖା ନ ମିଳଇ ।
ସବୁଜ ସୁନ୍ଦର ଧରଣୀ ଦିଶଇ
ପୁରି ଉଠିଲାଣି ନଦୀ ପୋଖରୀ
କୁମୁଦ କମଳ ମନକୁ ହରି ।
ନାନା ଜାତି ଫଳଫୁଲେ
ବାଡି ବଗିଚା ଯାଇଛି ଭରି।
ନାଲି ଟୁକୁ ଟୁକୁ ସାଧବ ବୋହୁ
ଘାସ ଗାଲିଚାରେ ମନକୁ ମୋହୁ ।
ହଳ ଧରି ବିଲେ କୃଷକ ଭାଇ
ଗାଉଅଛି ଗୀତ ଆନନ୍ଦ ହୋଇ ।
ପ୍ରକୃତି ରାଣୀ ର ମହାନ ଦାନ
ଜୀବ ଜଗତ ର ମଙ୍ଗଳ କାମ୍ଯ ।
ଜୟପୁର
