ଢେଙ୍କାନାଳ ଆନନ୍ଦ ବଜାର ସ୍ଥିତ ଭଗବତ ଜୀଉ ମନ୍ଦିର ପ୍ରାଙ୍ଗଣରେ ୪୦ ତମ ନନ୍ଦ ଉତ୍ସବ ପାଳିତ ହୋଇଯାଇଛି । ଏଠାରେ ସୂଚନାଯୋଗ୍ୟ ଯେ ଭଗବତ ଜୀଉ ମନ୍ଦିର ୧୯୫୦ ମସିହାରେ ପ୍ରତିଷ୍ଠା ହୋଇ ଥିଲା। କିନ୍ତୁ କରୋନା କଟକଣା ଯୋଗୁଁ ବିଗତ ୨ ବର୍ଷ ହେଲା ଏହି ନନ୍ଦ ଉତ୍ସବ ବନ୍ଦ ଥିଲା । ଚଳିତ ବର୍ଷ କିନ୍ତୁ ଯାକ ଯମକରେ ପାଳନ ହୋଇଛି । ମଧ୍ୟାହ୍ନ ରୁ ସଂକିର୍ତ୍ତନ ମଣ୍ଡଳ ସହ ନନ୍ଦରାଜା ଓ ନନ୍ଦରାଣୀ ସହିତ କୃଷ୍ଣ ବଳରାମ ବେଶରେ ସହର ପରିକ୍ରମା କରିଥିଲେ । ନନ୍ଦରାଜା ବେଶରେ କାଳନ୍ଦି ସାହୁ, ନନ୍ଦରାଣୀ କାହୁ ବେହେରା , ହନୁମାନ ବେଶରେ ପପୁ ପ୍ରଧାନ । ବଡ ଶ୍ରୀକୃଷ୍ଣ ବେଶରେ ଶୁଭମ ନାୟକ ଓ ସାନ କୃଷ୍ଣ ସମ୍ଭିତ ରାଉତ, ବଳରାମ ବେଶରେ ସାହିଲ ନାୟକ ଓ ସୁଦାମ ବେଶରେ ଦିପକ ରାଉତ୍,ସୁବଳ ବେଶରେ ଶୁଭମ ଜେନା, ସଭାପତି ଗୋପିନାଥ ବାରିକ, କୋଷାଧକ୍ଷ ଦିପୁ ଦଳେଇ, କୁଳ ଗୁରୁ ପୁରୋହିତ ଜଗଦାନନ ତ୍ରିପାଠୀ ଓ ସାହି ର ସମସ୍ତ ଭକ୍ତ ବୃନ୍ଦ ଓ କର୍ମକର୍ତ୍ତା ଙ୍କ ଉପସ୍ଥିତି ରେ ଏହି ନନ୍ଦ ଉତ୍ସବ ଟି ପାଳନ ହୋଇଥିଲା । ସନ୍ଧ୍ୟା ୬ ଟା ସମୟରେ ମନମୋହନ ସାହୁ ଙ୍କ ଦ୍ଵାରା ଦହିହାଣ୍ଡି ଭାଙ୍ଗିବା କାର୍ଯ୍ୟକ୍ରମ ସମ୍ପନ୍ନ ହୋଇଥିଲା।
ଢ଼େଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀଙ୍କ ସହ ପ୍ରହଲ୍ଲାଦ ମୁଦୁଲି ଙ୍କ ରିପୋର୍ଟ୍
