ସମୟ ସୁଅ 

ସମୟ ସୁଅ ରେ ଭାସିଯାଇ

ଜୀବନ ଉବୁଟୁବୁ ହେଉ ହେଉ

ଛାଣି ଆଣି ବଞ୍ଚେଇବାର

ପ୍ରୟାସରେ ନିଜ ଜୀବନକୁ

ବାଜି ଲଗେଇ ଦେଇଥିଲ

ଅଦମ୍ୟ ସୁଅ ଆଗରେ

କଣ ଏଇଥି ପାଇଁ

ଟିକେ ବଞ୍ଚିଲା ପରେ

ଉଛୁଳା ନଈ ପାଣିରେ

ଫିଙ୍ଗି ଦେବାକୁ ।

ଭଲ ହେଉଥିଲା

ପୂର୍ବରୁ ଯେମିତି ହୋଇ

ଚାଲୁଥିଲା ଜୀବନ ଗାଡ଼ି

କେଁ କେଁ ହେଉଥିଲା ତଥାପି

ଚାଲୁଥିଲା ଗଡ଼ି ଗଡ଼ି

ଅଧା ରହିଗଲା ବହୁଦୂର ପଥ

କଥା ଦେଇ ପାରିଲନି

ଏଯାଏଁ ସଜାଡ଼ି । ।

ଦୁଃଖରେ ଥିଲା ବେଳେ

ଦରକାର ଟିକେ ଖୁସି 

ତୁମେ କୁହ ଏମିତିରେ କିଏ ଅଛି

ହୃଦୟ ଭିତରେ ଚାପି ରଖି 

ଅନେକ ବେଦନା 

ବହୁ ଗୁଡାଏ ଅକୁହା କଥା

କେହି କେବେ ହୋଇପାରେ ଖୁସି ।।।

ଚିତ୍ତ ରଞ୍ଜନ ଦେହୁରୀ

ଅନୁଗୋଳ