ଜୟ ଗଣେଶ

ଗଉରୀ ନନ୍ଦନ

ଦେବଗଣଜେ କରନ୍ତି ସ୍ତୁତି

ବିଘ୍ନ ନାଶକ ହେ ଗଣପତି

ଆଜିକି ଆନନ୍ଦ ଦିନ

ଭାଦ୍ରବ ମାସର ଗଣେଶ ଚତୁର୍ଥୀ

ଆସିଛନ୍ତି ଗଜାନନ

ଗାଆଁଠୁ ସହର ଉତ୍ସବ ମୁଖର

ଶରତ ପସରା ମେଲି

ଶ୍ରୀଗଣେଶ ସାଥେ ପାର୍ବଣ କୁ ନେଇ

ଶରତ ଆସିଛି ବୁଲି

ଗଉରୀ ନନ୍ଦନ ମୂଷିକ ବାହନେ

ଧରା ପୃଷ୍ଠେ ବିଜେକରି

ହୋଇ ଅବତୀର୍ଣ୍ଣ ଦେବେ ବିଦ୍ୟାଦାନ

ଆସିଛନ୍ତି ବେଦ ଧରି

ସିଦ୍ଧ ବିନାୟକ ନାମଟି ତାଙ୍କର

ସର୍ଵ ଶ୍ରେଷ୍ଠ ସିଦ୍ଧିଦାତା

ସ୍ମରଣ ମାତ୍ରକେ ଦୁଃଖ ହୁଏ ଦୂର

ଜେଣୁସେ ତ୍ରୈଲୋକ୍ୟ ପିତା

ଆଯୋନି ସମ୍ଭୂତ ପ୍ରଭୂ ଗଣନାଥ

ମାତାଙ୍କ ମଳଖୁ ଜାତ

ଜ୍ଞାନର ଭଣ୍ଡାର ବିଦ୍ୟା ପ୍ରଦାୟକ

ହର ଗୌରୀଙ୍କର ସୁତ

ହେ ମାର୍ଗ ଦର୍ଶକ ସିଦ୍ଧ ବିନାୟକ

ଅଜ୍ଞାନର ଜ୍ଞାନ ଦାତା

ବିନାଶ କାଳରେ ହୁଅନ୍ତୁ ସହାୟ

ଆହେ ବିଘ୍ନ ରାଜ କର୍ତ୍ତା

ଦେଖ ତୁମ ବିଶ୍ଵ କରଇ ପ୍ରଳାପ

ପାଗଳ ହୋଇଣ ମତି

ନିଜର ବିନାଶ ଲୋଡୁଛନ୍ତି ଆଜି

ଦେଖିଛତ ତୁମ ମୂର୍ତ୍ତି

ପାର୍ବଣ ପାଳନ୍ତି ସୂରା, ମାଂସ ସାଥେ

ଦେଇ ପରମ୍ପରା ଦ୍ୱାହି

ଧ୍ଵଂସ ହୋଇଯିବ ତୁମରି ସଂସାର

ବିପତ୍ତିରୁ କର ତ୍ରାହି

ଏହି ଗୁହାରୀ କରଇ

ବିଳାସିନୀ ପୃଷ୍ଟି,

ଭୁବନ, ଢେଙ୍କାନାଳ