ଜଣାଣ
ମାନଗୋବିନ୍ଦ ସ୍ବାଇଁ
ମନ୍ଦିର ସୁନ୍ଦର ପ୍ରଭୁ ବି ସୁନ୍ଦର
ସୁନ୍ଦର ମୋ ବଡ଼ଦାଣ୍ଡ
ଭକତ ଆସୁଛି ଭକତ ଯାଉଛି
ଦର୍ଶନେ ଭକ୍ତି ମୋ ମୁଣ୍ଡ।
ପାଦୁକା ପାଉଛି ଚନ୍ଦନ ନାଉଛି
ଭକ୍ତି କରେ ପ୍ରଭୁ ଜପ
ଜଣାଇ ଗୁହାରୀ ଆପତ୍ତି କରୁଛି
ଧରା ଛାଡ଼ି ଯାଉ ପାପ।
ସାଗର ସୁନ୍ଦର କୂଳ ବି ସୁନ୍ଦର
ସନ୍ଧ୍ୟା ଭାବ ମନୋହର
ପ୍ରୀତି ଲାଗି ଥାଇ ବାଣିଜ୍ୟ ବେପାର
ଆଲୋକ ଶୋଭା ଠାକୁର।
ତୃପ୍ତି ଲାଗୁ ଥାଇ ଖୁସି ବଢୁ ଥାଇ
ଶୁଣି ଭଜନ କୀର୍ତ୍ତନ
ମନେ ଆସୁଥାଇ ଭକ୍ତି ମାର୍ଗ ସବୁ
ଦେଖି ପ୍ରଭୁଙ୍କ ଦର୍ଶନ।
ଅବଢ଼ା ପ୍ରସାଦ ଭକତ ସଂପଦ
ଖାଇ ଭକ୍ତ ହୁଏ ଖୁସି
ବଟ ବୃକ୍ଷ ତଳେ ବିଶ୍ରାମ କରନ୍ତି
ପାଠ ଭାଗବତ ମିଶି।
ଛୁଇଁ ଲେ ବାଇଶି ପାହାଚ ଉପର
ପାପ ସବୁ ଯାଏ ଛାଡି
ରତ୍ନ ବେଦୀ ଚାହିଁ ପ୍ରଭୁ ଦୃଶ୍ୟ ହୁଏ
ଦର୍ଶନ ମୋ ହାତ ଯୋଡ଼ି।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
