କୋକସରା,୩୦/୧୧- (ମ ନି ସ) ଅଲ ଓଡିଶା ଅଙ୍ଗନବାଡ଼ି କର୍ମି ଓ ପାଚିକା ସହାୟିକାଙ୍କ ୮ ଦଫା ଦାବି ନେଇ ଆନ୍ଦୋଳନ ଜାରି ରହିଥିବା ବେଳେ କୋକସରା ବ୍ଲକରେ ମଧ୍ୟ ଆନ୍ଦୋଳନ ଜାରି ରହିଛି। ମଙ୍ଗଳବାର ଏହି ଆନ୍ଦୋଳନରେ ଯୋଗଦେବାକୁ କୋକସରା ବ୍ଲକ ବଡ଼ ପୋଡ଼ାଗୁଡା ଅଙ୍ଗନବାଡ଼ି କେନ୍ଦ୍ର ୨ ର ପାଚିକା ପଦ୍ମା ଦେଇ(୫୫) ବସରୁ ଓଲ୍ଲେଇ ରାସ୍ତା ପାର ହେଉଥିବା ବେଳେ ଏକ ବାଇକ ଧକ୍କା ଦେବାରୁ ଗୁରୁତର ଆହତ ହୋଇଛନ୍ତି। ଦୁର୍ଘଟଣା ପରେ ସାଥି ପାଚିକା ଓ ଅଙ୍ଗନବାଡ଼ି କର୍ମି ମାନେ ତାଙ୍କୁ କୋକସରା ଡାକ୍ତରଖାନାରେ ଭର୍ତ୍ତି କରିଥିଲେ। ପ୍ରାଥମିକ ଚିକିତ୍ସା ପରେ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା ବେଳେ ବାମ ହାତ ରେ ଆଘାତ ହୋଇଥିବା ଜଣାପଡିଛି।
ମସିହା ନିଉଜ ସର୍ଭିସ୍
