ବିଜନ ବେଳାରେ ସାଥୀ ତୁମେ
ପ୍ରତାପ କିଶୋର ରାଉତ
ବିଜନ ବେଳାରେ ଶୁନ୍ୟତାରେ ଯେବେ
ବୁଡଇ ହୃଦୟ ମୋର
ନିରାଶ ହୃଦୟେ ଆଶାର ସଳିତା
ଜାଳିଦିଅ ହେ ଠାକୁର ।
ବିଜନ ବେଳାରେ ——–।0।
ହୃଦୟେ ରଖିବି ତୁମକୁ ଭାବିଲି
ବୁଝିଲାନି ମୋର ମନ
ହିଂସା କ୍ରୋଧ ଆଉ ପରଶ୍ରୀକାତର
ରହିଅଛି ଅଭିମାନ
କେମିତି ରଖିବି ସେଠାରେ ତୁମକୁ
ହେବ ଅପରାଧ ମୋର ।
ବିଜନ ବେଳାରେ ———-।୧।
ହୃଦୟକୁ ମୋର କର ନିରିମଳ
ଢାଳି ଦେଇ ଶୁଭାଶୀଷ
ଅବୁଝା ମନକୁ ତୁମ ପାଦେ ରଖି
ଦିଅ ପରମ ସନ୍ତୋଷ
ସବୁ ଅପରାଧ କ୍ଷମା କରିଦିଅ
ଆହେ ପରମ ଈଶ୍ୱର ।
ବିଜନ ବେଳା ରେ——–।୨।
ତେନ୍ତୁଳିପଦୀ , ହାଟଡିହି , କେନ୍ଦୁଝର
