କାମାକ୍ଷାନଗର( ମ ନି ସ) ଅଗ୍ନୀକାଣ୍ଡରେ ଜଳିଗଲା ୨ ବଖରା ଘର, ଲକ୍ଷାଧିକ ଟଙ୍କାର ସମ୍ପତି ପୋଡି ପାଉଁଶ। ରୋଷେଇ ନିଆଁରୁ ଅଗ୍ନୀକାଣ୍ଡ ଘଟିଯାଇଛି। ସୁଚନା ମୁତାବକ ତୁମୁଶିଙ୍ଗା ଥାନା ରଘୁଆବୋଲ ଗ୍ରମରେ ବାମିଆ ବିରୁଆଙ୍କ ସ୍ତ୍ରୀ ରାତି ପ୍ରାୟ ୯ ଟା ବେଳକୁ ଘରେ ରୋଷେଇ କରୁଥିଲେ। ଏହି ରୋଷେଇ ନିଆଁରୁ ଘରେ ନିଆଁଲାଗି ଅଗ୍ନିକାଣ୍ଡ ଘଟିଯାଇଛି। ଖବରପାଇ କାମାକ୍ଷାନଗର ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କଲାବେଳକୁ ବାମିଆଙ୍କ ୨ ବଖରା ଘର ପୋଡି ପାଉଁଶ ହୋଇଯାଇଛି। ଏହା ସହ ଘରେ ଥିବା ସମସ୍ତ ଆସବାବପାତ୍ର,ଧାନ ଚାଉଳ,ଟଙ୍କପଇସା ସହ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଛି। ପିନ୍ଧା ଲୁଗା ଛଡା କିଛି ବି ନିଆଁର ଦାଉରୁ ମୁକୁଳାଇ ପାରିଲେ ନାହିଁ। ତେଣୁ ତୁରନ୍ତ ତାଙ୍କୁ ସରକାରୀ ସହାୟତା ଯୋଗେଇ ଦେବାପାଇଁ ଗ୍ରାମବାସୀ ଦାବି କରିଛନ୍ତି।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ୍
