ନିର୍ବାଚନ ମଣ୍ଡଳୀର 4 ଟିସ୍ଥାନରେ ଓଲ୍ହାଇଲା ହେଲିକେପ୍ଟର
ପାପଡାହାଣ୍ଡି,28/4, ମନିସ — ନବରଙ୍ଗପୁର ଜିଲ୍ଲା ଡାବୁଗାଁ ନିର୍ବାଚନ ମଣ୍ଡଳୀକୁ ଶୁକ୍ରବାର ଯୋଜନା ଓ ସଂଯୋଜନ ବିଭାଗ ମନ୍ତ୍ରୀ ରାଜେନ୍ଦ୍ର ଢୋଲକିଆ ଗସ୍ତ କରିଥିଲେ | ଏହି ସମୟରେ ସେ ବ୍ଲକର 15 ଗୋଟି ପ୍ରକଳ୍ପର ଭୂମିପୂଜନ କରିଥିଲେ | ନିର୍ବାଚନ ମଣ୍ଡଳୀର ଇତିହାସରେ ପ୍ରଥମ ଥର ଗୋଟିଏ ଦିନରେ 4 ଟି ସ୍ଥାନକୁ ହେଲିକେପ୍ଟର ଓଲ୍ହାଇଥିଲା | ଡାବୁଗାଁ ବ୍ଲକ କୁସୁମ ବନ୍ଧ ଠାରେ କାର୍ଯ୍ୟକ୍ରମ ସାରି ମନ୍ତ୍ରୀ ଢୋଲକିଆ ଦିନ 1. 30 ଘଣ୍ଟ ସମୟରେ ଚେରଚେଟା ପଂଚାୟତ ସଦରର ହାଇସ୍କୁଲ ପଡିଆରେ ହେଲିକେପ୍ଟରରେ ଓଲ୍ହାଇଥିଲେ | ଏହି ଅବସରରେ ମନ୍ତ୍ରୀଙ୍କୁ ବିଜେଡି ତରଫରୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା | ବ୍ଲକର 15 ଗୋଟି ପ୍ରକଳ୍ପର ଏକ ସଂଗେ ଭୂମିପୂଜନ କରିଥିଲେ | ସରକାରଙ୍କ ବିଭିନ୍ନ ଜନ ହିତକର ଯୋଜନା ସଂପର୍କ ରେ ସେ କହିବା ସହ ସ୍ଥାନୀୟ ଡାବୁଗାଁ ବିଧାୟକଙ୍କ ଇଛା ଶକ୍ତି ଓ ପ୍ରଚେଷ୍ଟା ଯୋଗୁଁ ନିର୍ବାଚନ ମଣ୍ଡଳୀର 4 ଗୋଟି ସ୍ଥାନରେ 120 କୋଟି ଟଙ୍କାର 
ଭୂମିପୂଜା ହୋଇପାରିଥିବା କହିଥିଲେ | ଲୋକଙ୍କ ଲାଗି ସରକାର ସବୁବେଳେ ଚେଷ୍ଟିତ ତେଣୁ ଅଗାମି ନିର୍ବାଚନରେ ମଧ୍ୟ ବିଜେଡି ଦଳକୁ ସମର୍ଥନ ଜାରି ରଖିବା ଲାଗି ନିବେଦନ କରିଥିଲେ | ସେଠାରୁ ସେ କୋସାଗୁମୁଡା ବ୍ଲକ ମିରମିଣ୍ଡାକୁ ଗସ୍ତ କରିଥିଲେ | 3.30 ସମୟରେ ସେମଳା ବାଲି ପଡିଆରେ ପହଁଚି ଉପସ୍ଥିତ ଜନ ସାଧାରଣଙ୍କୁ ଉଦବୋଧନ ଦେଇଥିଲେ | ଏହି ସମୟରେ ଏମପି ରମେଶ ମାଝୀ ଯୋଗଦେଇ ସରକାରଙ୍କ ଜନ ହିତକର ଯୋଜନା 
ସମ୍ପର୍କରେ କହିଥିଲେ | ନିଜ ସଂସଦୀୟ କ୍ଷେତ୍ର ପାଇଁ ସେ ସବୁବେଳେ ଚେଷ୍ଟିତ ବୋଲି କହିଥିଲେ | ବିଜେଡି ସରକାର ଆସିବା ପରେ ସାରା ଓଡିଶାର ଉନ୍ନତି କରଣ ହୋଇଥିବା କହିଥିଲେ | ସେହିପରି ଡାବୁଗାଁ ବିଧାୟକ ମନହୋର ରନ୍ଧାରି ଯୋଗଦେଇ ଆଜି ଏକ ଐତିହାସିକ ଦିନ ବୋଲି କହିବା ସହ ମୁଖ୍ୟମନ୍ତ୍ରୀଙ୍କ ଅଞ୍ଚଳର ଉନ୍ନତି ଲାଗି 15 ଗୋଟି ପ୍ରକଳ୍ପ କୁ ଅନୁମୋଦନ କରିଥିବା କହିବା ସହ ରମେଶ ଓ ସେ ଦୁହେଁ ଜିଲ୍ଲାର 
ଶଗଡ଼ ର ବଳଦ, ଯେତେ କଷ୍ଟ ବାଧା ଓ ଢିପ ଆସିଲେ ବି ଅଞ୍ଚଳର ସମସ୍ୟା ସଂପର୍କରେ ସରକାରଙ୍କୁ ଜଣାଇ ଏହାର ଉନ୍ନତି କରଣ ଲାଗି ପ୍ରତିଜ୍ଞା ବଦ୍ଧ ବୋଲି କହିଥିଲେ | ନିର୍ବାଚନ ସମୟରେ ଆମେ ଯେଉଁ ସବୁ ପ୍ରତିଶୃତି ଦେଇଥିଲୁ ବର୍ତମାନ ତାହା କାର୍ଯ୍ୟକାରୀ କରୁଛୁ | ମନ୍ତ୍ରୀଙ୍କ ଗସ୍ତ ସମୟରେ ଜିଲ୍ଲା ପରିସଦ ଅଧକ୍ଷ ମୋତିରାମ ନାୟକ,ବ୍ଲକ ଅଧକ୍ଷା ହେମଲତା ମାଝୀ, ଉପଧକ୍ଷ ସୁଶାନ୍ତ କୁମାର ବେହେରା, ଏସ୍ଡ଼ିସି ଅଧକ୍ଷ ଗଣ୍ଡ, ଉପଧକ୍ଷା ଭାନୁମତି ପୁଜାରି, ନିବେଦିତା ମହାନ୍ତି ପ୍ରମୁଖ ଉପସ୍ଥିତ ଥିଲେ | ଏହି ସମୟରେ ସରପଞ୍ଚ, ସମିତି ସଭ୍ୟା ସଭ୍ୟ ସହ ବିଜେଡିର ବହୁ କର୍ମୀ ଉପସ୍ଥିତ ଥିଲେ | ଉଭୟ ସ୍ଥାନରେ 20 ହଜାର ଲୋକଙ୍କ ସମାଗମ ହୋଇଥିଲା | ଶାନ୍ତି ଶୃଙ୍ଖଳା ଲାଗି ପାପଡାହାଣ୍ଡି ଏସଡିପିଓ ଆଦିତ୍ୟ ସେନ, ଆଇଆଇସି ଦୀପକ ଜେନା ସହ ଅଗ୍ନିଶମ ବିଭାଗ ପ୍ରମୁଖ ଉପସ୍ଥିତ ଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
