ବାଲେଶ୍ଵର,୧୧/୫/୨୩- ବାଲେଶ୍ଵର ଜିଲ୍ଲା ଔପଦା ଡିଗ୍ରୀ କଲେଜ ସଭାକକ୍ଷ ମଧ୍ୟରେ ତା ୧୦/୫/୨୩ ରିଖରେ ଏକ ବିଦାୟ କାଳୀନ ସଭା ଅନୁଷ୍ଠିତ ହୋଇଯାଇଛି । ସଂସ୍କୃତ ବିଭାଗର ଅଧ୍ୟକ୍ଷ ପଣ୍ଡିତ ଦ୍ବାରିକା ନାଥ ଶତପଥୀଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ କଲେଜ ଅଧ୍ୟକ୍ଷ ମୋହନ ଚରଣ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଅବସରପ୍ରାପ୍ତ ଶିକ୍ଷକ, ଶିଶୁ ସାହିତ୍ୟିକ, କବି ଓ ସମାଜସେବୀ ନିରଞ୍ଜନ ପ୍ରସାଦ ବାରିକ ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ । ସେହିପରି ସମ୍ମାନିତ ଅତିଥି ଭାବେ ଉକ୍ତ କଲେଜର ଅଧ୍ଯାପକ ହରିହର ପଣ୍ଡା ଓ ଖଇରା କଲେଜର ଅଧ୍ଯାପକ ଆର୍ତ୍ତବନ୍ଧୁ ନାୟକ ଯୋଗ ଦେଇଥିଲେ ।ସଂସ୍କୃତ ଭାଷା ହେଉଛି ଆଦିମ ଦେବ ଭାଷା, ଏହା ପଠନ ଦ୍ବାରା କି ଉପକାର ମିଳିଥାଏ, ଯାହା ମଞ୍ଚାସୀନ ଅତିଥିମାନେ ବକ୍ତବ୍ୟ ମାଧ୍ୟମରେ ଛାତ୍ରଛାତ୍ରୀ ମାନଙ୍କୁ ପରାମର୍ଶ ଦେଇଥିଲେ । ଭଲ ମଣିଷ ହେବା ପାଇଁ ନିଜର ବ୍ଯକ୍ତିଗତ ଉଦ୍ୟମ ଏକାନ୍ତ ଆବଶ୍ୟକ ବୋଲି ମୁଖ୍ୟବକ୍ତା ଶ୍ରୀ ବାରିକ କହିଥିଲେ । ଏହି ବିଦାୟ କାଳୀନ ସମ୍ବର୍ଦ୍ଧନା ସଭାରେ 
ସଂସ୍କୃତ ବିଭାଗର ପ୍ରଥମ ଓ ଦ୍ବିତୀୟ ବର୍ଷର ଛାତ୍ରଛାତ୍ରୀ ମାନେ ତୃତୀୟ ବର୍ଷର ଛାତ୍ରଛାତ୍ରୀ ମାନଙ୍କୁ ବିଦାୟ ସମ୍ବର୍ଦ୍ଧନା ଦେଇଥିଲେ । ରାଜ୍ୟ ପୁରସ୍କୃତ ଶିକ୍ଷକ ନିରଞ୍ଜନ ପ୍ରସାଦ ବାରିକ ଯୋଗଦେଇ ଭଲ ମଣିଷ ହେବା ପାଇଁ ବ୍ୟକ୍ତିଗତ ଉଦ୍ୟମର ଆବଶ୍ୟକତା ରହିଛି ବୋଲି ଛାତ୍ର ଛାତ୍ରୀ ମାନଙ୍କୁ ପରାମର୍ଶ ଦେଇଥିଲେ । ବିଦାୟୀ ଛାତ୍ରଛାତ୍ରୀ ମାନଙ୍କ ଉଦ୍ଦେଶ୍ୟରେ ପ୍ରାରମ୍ଭିକ ସଙ୍ଗୀତ ଗାନ କରିଥିଲେ କବିତା ବେହେରା, ମମତା ରାଉତ,ସୁଲେଖା ବେହେରା । ଏକକ ନୃତ୍ୟ ପରିବେଷଣ କରିଥିଲେ କବିତା ବେହେରା । ଧନ୍ୟବାଦ ଅର୍ପଣ କରିଥିଲେ ୨ୟ ବର୍ଷର ସଂସ୍କୃତ ଛାତ୍ର ମଧୁସୂଦନ ମହାପାତ୍ର । ଉକ୍ତ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ଛାତ୍ରଛାତ୍ରୀ ପ୍ରଦୀପ ବେହେରା, ଗୀତାଞ୍ଜଳି ରାଉଳ, ସୁଧା ରାଣୀ ବାରିକ, କ୍ଷୀରୋଦ ବିଶ୍ଵାଳ, ସୁଚିତ୍ରା ପ୍ରିୟଦର୍ଶିନୀ ସାହୁ ଓ ବନଶ୍ରୀ ବିଶ୍ଵାଳ । ଏଥିରେ ୫୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଉପସ୍ଥିତ ଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
