ଗୋଳାମୁଣ୍ଡା ତା ୧୯/୭/ନିର୍ଭୟ, ନିରପେକ୍ଷ ମସିହା /କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ କେଗାଁ ଠୁଁ ସିନାପାଲି ଯାଉଥିବା ରାସ୍ତାର ସିନାପାଲି ଗାଁମୁଣ୍ଡରେ ଥିବା ଏକ ପୋଲର ଉଭୟ ପାର୍ଶ୍ଵର ବାଡ ନ ଥିବାରୁ ଅନେକ ଦୁର୍ଘଟଣା ହେଉଥିବା ଅଭିଯୋଗ ହେଉଛି । ସୂଚନାରୁ ପ୍ରକାଶ ଗ୍ରାମ୍ୟ ନିର୍ମାଣ ବିଭାଗ ଧର୍ମଗଡ଼ ଜରିଆରେ ଏହି ପ୍ରଧାନମନ୍ତ୍ରୀ ସଡକ ରାସ୍ତାକାମ ହୋଇଥିଲା । ଏହି ରାସ୍ତାର ସିନାପାଲି ଗାଁମୁଣ୍ଡରେ ଥିବା ପୋଲର ବାଡ଼ ବହୁ ଦିନରୁ ନ ଥିବା ଗାଁ ଲୋକଙ୍କ ପକ୍ଷରୁ କୁହାଯାଇଛି । ଏହି ପୋଲ ପାଖରେ ଦଶ 
ବର୍ଷ ଭିତରେ ୩୦ ରୁ ୪୦ଟି ଦୁର୍ଘଟଣା ଘଟିଥିବା ସ୍ଥାନୀୟ ଲୋକେ କହୁଛନ୍ତି । ଦେଢ଼ ମାସ ଭିତରେ ଏହି ପୋଲ ନିକଟରେ ତିନିଟି ଦୁର୍ଘଟଣା ଘଟିଥିବା ବେଳେ ଜଣକ ମୃତ୍ୟୁ ହୋଇଛି । ମୃତ ବ୍ୟକ୍ତି ଜଣକ ହେଉଛି କେଗାଁ ସଞ୍ଜୁ ପୁଟେଲ (୩୫) । ଦୁର୍ଘଟଣାର ପରବର୍ତ୍ତୀ କିଛି ଦିନ ଗଲାପରେ ଗୋଟିଏ ଟ୍ରକ ଓଲଟି ପଡିଥିଲା ପୁଣି ତିନି ଦିନ ତଳେ କେଗାଁ ଥାନା ଗୃହରକ୍ଷୀ ବାନାରାମ ବନ୍ଦୀଛୋଡ ରାତ୍ରିରେ ଡିଉଟି କରୁଥିବା ବେଳେ ଏହି ପୋଲରୁ ଦଶ ଫୁଟ ଗଭୀରତା ଗାଢରେ ପଡିଯାଇଥିଲେ । ତାଙ୍କର ଗୋଡ଼ ଭାଙ୍ଗିଯାଇଥିବା ବେଳେ ଚିକିତ୍ସାଲୟରେ ଚିକିତ୍ସା ହେଉଛନ୍ତି । ଏହି ପୋଲ ଦ୍ୱାରା ଅନେକ ଲୋକ ଦୁର୍ଘଟଣାର ସମ୍ମୁଖୀନ ହେଉଛନ୍ତି । ଏହି ପୋଲର ଉଭୟ ପାର୍ଶ୍ୱର ବାଡ଼ କରିଦେବା ନେଇ ଅନେକ ଥର ଗ୍ରାମ୍ୟ ନିର୍ମାଣ ବିଭାଗ ସହକାରୀ ଯନ୍ତ୍ରୀ ରାଜିନ୍ଦ୍ର ମାଝୀଙ୍କୁ ଫୋନ ଯୋଗେ ଜଣାଇଲେ ସୁଦ୍ଧା ଆଜି କାଲି କହି ଭୁଲାଇ ଦେଉଛନ୍ତି । ଏ ଉପରେ ଧର୍ମଗଡ଼ ଗ୍ରାମ୍ୟ ନିର୍ମାଣ ବିଭାଗ ଦୃଷ୍ଟି ଆକର୍ଷଣ କରି ଉଭୟ ପଟର ବାଡ଼ ନିର୍ମାଣ କରିବାକୁ ସିନାପାଲି ଗ୍ରାମରୁ ଲମ୍ବୋଦର ସାହୁ,ଅଜାମ୍ବିଳ ପୁଟେଲ,ରଘୁମଣି ଛାତ୍ରୀଆ,ଏପରି ଅନେକ ଲୋକଙ୍କ ଦାବି ହେଉଛି ।
ଗୋଲାମୁଣ୍ଡା ରୁ ରାମକୁମାର ସେନାପତି ଙ୍କ ରିପୋର୍ଟ, ପ୍ରଗତିଶୀଳ ମସିହା
