କୋଷାଗୁମୁଡା: 23/7(ମସିହା) ମୋସରକାର ବା 5ଟି ଯୁଗ ରେ ରାସ୍ତାଘାଟ ର ପ୍ରକୃତ ଦୃଶ୍ୟ ଯାହାକି ଖୋଲି ଦେଉଛି ବିକାଶ ର ବାସ୍ତବିକ ଚିତ୍ର | କୋଷାଗୁମୁଡା ବ୍ଲକ ପଣ୍ଡଗୁଡା ପଂଚାୟତ ରେ ଏବେ ସରକାରୀ ଯନ୍ତ୍ରୀ ସହ ଥୁଟି ନେତା ଙ୍କ କମାଲ କୁ ନେଇ ଚର୍ଚ୍ଚା ଜୋର ଧରିଛି| ସୂଚନା ମୁତାବିକ ପଣ୍ଡଗୁଡା ପଂଚାୟତ ଅନ୍ତର୍ଗତ 
ବିଜାଗୁଡା ଠୁଁ ଚାଉରୀୟା ମନ୍ଦିର ପର୍ଯ୍ୟନ୍ତ ରାସ୍ତା ମରାମତି କରିବା ପାଇଁ ସ୍ତିର କରାଯାଇଥିଲା ଯାହାର ୱାର୍କ କୋଡ଼ ହେଉଛି (2430002018/RC/10568210)(2023-2024) ଏହି ରାସ୍ତା ମରାମତି ପାଇଁ 10 ଲକ୍ଷ୍ୟ ଟଙ୍କା ମଞ୍ଜୁରୀ ରହିଥିବା ସୂଚନା ମିଳିଛି | ରାସ୍ତା କାର୍ଯ୍ୟ ହୋଇଛି ସତ, କିନ୍ତୁ ନୂତନ ରାସ୍ତା ଉପରେ ଚାଲିବା ସମ୍ଭବପର ହେଉନାହିଁ ବୋଲି ଗ୍ରାମବାସୀ ମତ ପ୍ରକାଶ କରୁଛନ୍ତି | ତରବରୀୟା ଭାବେ ମୁରୁମ ମାଟି ଢାଳି ଚାଲିଗଲେ ଠିକାଦାର । ଏବେ ଅସୁବିଧା ଭୋଗୁଛନ୍ତି ବିଜାଗୁଡା ଗ୍ରାମବାସୀ ହେଲେ ସରକାରୀ ଯନ୍ତ୍ରୀ ଗଲେ କୁଆଡେ କଣ ଯନ୍ତ୍ରୀ ଙ୍କ ଅନୁପସ୍ଥିତି ରେ ହୋଇଛି କି ରାସ୍ତା ମରାମତି କାର୍ଯ୍ଯ ? ନା ଥୁଟି ନେତାଙ୍କ ସହ ମିଶି ଖେଳ ଖେଳୁଛନ୍ତି ସରକାରୀ ଯନ୍ତ୍ରୀ ତାହା ବଡ଼ ପ୍ରଶ୍ନ ? ଗ୍ରାମବାସୀ ଙ୍କ କହିବା ଅନୁଯାୟୀ ପୂର୍ବ ରୁ ରାସ୍ତା ରେ ଯିବା ଆସିବା ଠିକ ରହିଥିଲା କିନ୍ତୁ ଅଚାନକ ବର୍ଷା ଆସିବା ପୂର୍ବ ରୁ ଟ୍ରାକ୍ଟର ମାଧ୍ୟମରେ ଦିନ ରାତି ମୁରୁମ ମାଟି ବୋହି ରାସ୍ତା ରେ ଢାଳି ଚାଲିଗଲେ ଠିକାଦାର । ମୁରୁମ ଢାଳିଲା ପରେ ଠିକ ସେ 
ଖେଳାଇଲେ ମଧ୍ୟ ନାହିଁ ନା ରାସ୍ତା କୁ ଠିକସେ ରୋଲର ମାଧ୍ୟମରେ ଚାପ ଦେଲେ ନାହି । ଯାହା ଫଳରେ ଏବେ ଗୋରୁ ଗାଈ ଚାଲିବା ବି ଅସମ୍ଭବ ବୋଲି ଅସନ୍ତୋଷ ଗ୍ରାମବାସୀ । ବର୍ଷା ମାସ ଯଦି ଗ୍ରାମ ରେ ଆମ୍ବୁଲାନ୍ସ ଯିବ ନାହିଁ ତ ରୋଗୀଙ୍କୁ ତିନି କିଲୋମିଟର ବୋହିବାକୁ ପଡିବ ଯାହାକୁ ନେଇ ଏବେ ଚିନ୍ତା ରେ ବସିଛନ୍ତି ଗ୍ରାମବାସୀ । କିନ୍ତୁ ଦୁଃଖ ବୁଝିବ କିଏ ତାହା ଅସ୍ପଷ୍ଟ । କଣ ପାଇଁ ନିରୀହ ଆଦିବାସୀ ଙ୍କୁ ସୁବିଧା ଯୋଗାଇବା ନା ରେ ଟଙ୍କା ଆତ୍ମ ସାତ କରାଯାଉଛି । ମନରେଗା ନା ରେ ଯନ୍ତ୍ରୀ ଙ୍କ ସହ ଠିକାଦାର ଲକ୍ଷ ଲକ୍ଷ ଟଙ୍କା ଚଳୁ କୁରୁଥିବା ଦୃଶ୍ୟ ବାରମ୍ବାର ସାମ୍ନା କୁ ଆସିଲେ ମଧ୍ୟ କାହାର ବି ଟିକେ ଖାତିର ନାହିଁ | କୋଷାଗୁମୁଡା ବ୍ଲକ ରେ ଦିନ କୁ ଦିନ ମନରେଗା ନା ରେ ଟଙ୍କା ଆତ୍ମାସାତ ହେଉଛି ତଥାପି ବ୍ଲକ ପ୍ରଶାସନ ର ନିଦ ଭାଙ୍ଗୁ ନାହିଁ | ପୋଖରୀ ଖୋଳା,ରାସ୍ତା ମରାମତି,ଟ୍ରେଞ୍ଚ ନିର୍ମାଣ, ଏଭଳି ଅନେକ କାର୍ଯ୍ୟ ରେ ହରିଲୁଟ ହେଉଛି ଟଙ୍କା । ଠିକାଦାର ହରିଲୁଟ କରି ଦିନ କୁ ଦିନ ପକେଟ ଗରମ କରୁଛନ୍ତି ଅନ୍ୟପଟେ ଗରିବ ନିରୀହ ଆଦିବାସୀଙ୍କ ଅବସ୍ଥା ଯେମିତି କୁ ସେମିତି । କେବେ ହେବ ବିକାଶ ତାହା ଦେଖିବାର ବାକି ରହିଲା ।
ନବରଙ୍ଗପୁର ଜିଲ୍ଲା ରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନ୍ୟୁଜ
