ଡାବୁଗାଁ, ୨୭/୮ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦର ମହକୁମା ସ୍ଥିତ ଲ୍ୟାମ୍ପ୍ସ ଗୋଦାମ ଠାରେ ଜିଲା ଜନଜାତି ସୁରକ୍ଷା ମଞ୍ଚର ଏକ ଜିଲା ସ୍ତରୀୟ ବୈଠକ ପୂର୍ବତନ ରାଜ୍ୟସଭା ସାଂସଦ ଭଗବାନ ମାଝିଙ୍କ ଅଧ୍ୟକ୍ଷତାରେ ରବିବାର ଅନୁଷ୍ଠିତ ହୋଇଯାଇଛି | ଏଥିରେ ଜିଲାରେ ଜନଜାତି ର ଲୋକ ମାନଙ୍କର 
ବିଭିନ୍ନ ସମସ୍ୟା ଓ ତାର ସମାଧାନ ନିମନ୍ତେ ପଦକ୍ଷେପ ନିଆଯିବା ଉପରେ ଆଲୋଚନା ହୋଇଥିଲା | ଏଥିରେ ଜିଲାରେ ବସବାସ କରୁଥିବା ୧୫ ଟି ଜନଜାତିକୁ ନେଇ ଜିଲା ଜନଜାତି ସୁରକ୍ଷା ମଞ୍ଚର ନୂତନ ଭାବେ କମିଟି ଗଠନ କରାଯାଇଛି | ଏଥିରେ ଜିଲା ଜନଜାତି ସୁରକ୍ଷା ମଞ୍ଚର ସଭାପତି ଭାବେ ଗୋପୀ ନାଥ ମାଝି, ଉପସଭାପତି ରତନ ମାଝି, ବୁଦୁ ଜାନୀ ଓ ପଦମନ ସାନ୍ତା, ସାଧାରଣ ସମ୍ପାଦକ ଲଛମନ ମାଝି, ସହ ସମ୍ପାଦକ ଜଗତଜୀବନ ନାୟକ, କୋଷାଧ୍ୟକ୍ଷ ଦଶରଥ ଗଣ୍ଡ, ସହ କୋଷାଧ୍ୟକ୍ଷ ନାରାୟଣ ବଞ୍ଜରା, ଜିଲା ସଂଯୋଜକ ରାଜମନ ଭତ୍ରା, ସଭ୍ୟ ଦିବାକର ହାଲବା, ଯମୁନା ନାୟକ ଓ ମଙ୍ଗଳଦେଇ ଜାନୀ ଏବଂ ଉପଦେଷ୍ଟା ଭଗବାନ ମାଝି, ନବୀନ ନାୟକ, ମଣିରାମ ଗଣ୍ଡ ଓ ଶଶୀଧର ମାଝି, ଆଇନ ଉପଦେଷ୍ଟା ନିତ୍ୟାନନ୍ଦ ଗଣ୍ଡ ପ୍ରମୁଖ ଙ୍କୁ ସର୍ବ ସମ୍ମତି 
ଚୟନ କରାଯାଇଥିଲା | ଏହି କାର୍ଯ୍ୟକ୍ରମ ମଚିନ୍ଦ୍ର ଶବର, ମଦୁସୂଦନ ଅମାନାତ୍ୟ, ଚନ୍ଦ୍ର ପ୍ରଭାକର ପୂଜାରୀ, ଜୟରାମ ଭତ୍ରା, ପ୍ରତାପ ଚନ୍ଦ୍ର ନାୟକ, ଅଭିମନ୍ୟୁ ମାଝି ଙ୍କ ସମେତ ଜିଲାର ୧୦ ଟି ବ୍ଲକରୁ ୧୫ ଟି ସମ୍ପ୍ରଦାୟର କର୍ମକର୍ତ୍ତା ମାନେ ଯୋଗ ଦେଇଥିଲେ | ଡାବୁଗାଁର ମୋହନ ନାୟକ, ମୋହନସିଂ ଗଣ୍ଡ, ନରସିଂ ମାଝି, ରାଇସିଂ ପୂଜାରୀ ପଦ୍ମଚରଣ ମାଝି, ମଙ୍ଗରାଜ ମାଝି, ଫୁଲସିଂ ଜାନୀ, ଦୟାନିଧି ବଞ୍ଜରା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
