ନର୍ଲା (ମ.ପ୍ର) ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡା ମନ୍ତ୍ରଣାଳୟ ନେହେରୁ ଯୁବ କେନ୍ଦ୍ର କଳାହାଣ୍ଡି ଜିଲ୍ଲା ନର୍ଲା ବ୍ଲକ ପଲସା ପଡା ଗ୍ରାମର ପୂର୍ବତନ ଜାତୀୟ ଯୁବ ସ୍ବେଚ୍ଛାସେବୀ ହେମସାଗର ସାହୁ ୱାର୍ଲଡ଼ ବୁକ ଅଫ ରେକର୍ଡ୍ସ ୟୁନାଇଟେଡ଼ କିଙ୍ଗଡମ ରେ ସ୍ଥାନ ପାଇଛନ୍ତି । ଏହି ଅନୁଷ୍ଠାନ ତରଫରୁ ହେମସାଗର ସାହୁଙ୍କୁ ପ୍ରମାଣପତ୍ର ପ୍ରଦାନ କରାଯାଇଛି । ପ୍ରକାଶ ଥାଉ କି ଗତ ୨୦୨୧ ଡିସେମ୍ବର ୧୯ ରୁ ୨୬ ତାରିଖ ପର୍ଯ୍ୟନ୍ତ ରାଜସ୍ଥାନ ଜୟପୁର ସହରରେ ‘କାଏରନ୍ ପିଙ୍କ ସିଟି ହାଫ ମାରାଥନ୍ ଅନ୍ଲାଇନ ଆପ୍ ମାଧ୍ୟମରେ ଆୟୋଜନ କରାଯାଇଥିଲା । ଯେଉଁଥିରେ ସାରା ବିଶ୍ୱର ୨୨ ଟି ଦେଶରୁ ପ୍ରାୟ ୪୭,୭୯୭ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ୧୦ କିମି ମାରାଥନରେ ହେମସାଗର ସାହୁ ଭାଗନେଇ ୧୦ କିମି.୨୯୦ ମିଟର ଦୂରତାକୁ ୧ ଘଣ୍ଟା ୧୮ମିନିଟ ୩୯ ସେକେଣ୍ଡରେ ସଫଳତାର ସହ ଅତିକ୍ରମ କରି ଏହି କୃତିତ୍ୱ ଅର୍ଜନ କରିଥିଲେ । ଏହି ସଫଳତା ପାଇଁ ତାଙ୍କୁ ପଦକ ,ଇ-ସାର୍ଟିଫିକେଟ ପ୍ରଦାନ କରାଯାଇଥିଲା । ଏହି ମାରାଥନ ଦେଶର ସବୁଠାରୁ ବୃହତ୍ତର ଭରଚୁଆଲ ମାରାଥନ ଅଟେ । ତେଣୁ ଏହି ମାରାଥନକୁ ୱାର୍ଲଡ଼ ବୁକ ଅଫ ରେକର୍ଡ୍ସ ୟୁନାଇଟେଡ଼ କିଙ୍ଗଡ଼ମରେ ସାମିଲ କରାଯିବା ସହିତ ଭାଗ ନେଇଥିବା ପ୍ରତିଯୋଗୀଙ୍କୁ ରେକର୍ଡ୍ସ ସାର୍ଟିଫିକେଟ ପ୍ରଦାନ କରାଯାଇଛି ।
ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି।
