ଅଭିନବ ଢଙ୍ଗରେ ଯୁବ ଶିକ୍ଷକଙ୍କ ଜନ୍ମଦିନ ପାଳନ
ନର୍ଲା (ମନିସ): ଜନ୍ମଦିନରେ ଲୋକେ ପାର୍ଟି କରିବା, ମନ୍ଦିର ଯାଉଥିବା ବେଳେ ନିଜ ଜନ୍ମଦିନକୁ ନିଆରା ଢଙ୍ଗରେ ପାଳନ କରିଛନ୍ତି ଯୁବ ଶିକ୍ଷକ ଜିତେନ୍ଦ୍ର କୁମାର ସାହୁ। ଜନ୍ମଦିନରେ ସ୍ବେଚ୍ଛାକୃତ ଭାବେ ରକ୍ତଦାନ କରି ସେ ଯୁବପିଢ଼ି ପାଇଁ ଉଦାହରଣ ପାଲଟିଛନ୍ତି। ନର୍ଲା ବ୍ଲକ ଅଧିନସ୍ଥ ବଲବସପୁର ଗ୍ରାମର ଅଧିବାସୀ ଶ୍ରୀ ସାହୁ ଜଣେ ସରକାରୀ ଶିକ୍ଷକ ଭାବେ ଲାଖପଦର ଉଚ୍ଚ ପ୍ରାଥମିକ ବିଦ୍ୟାଳୟରେ କାର୍ଯ୍ୟରତ। ଜନ୍ମଦିନରେ ରକ୍ତଦାନକୁ ନେଇ ସେ ବହୁତ ଖୁସି ଥିବା ବେଳେ ସମସ୍ତ ଯୁବପିଢି ଅନ୍ତତଃ ନିଜର ଗୁରୁତ୍ୱପୂର୍ଣ୍ଣ ଦିନମାନଙ୍କରେ ଏଭଳି କାର୍ଯ୍ୟ କଲେ ସମାଜ ମଙ୍ଗଳ ଦିଗରେ ବିଶେଷ ସହାୟକ ହେବ ବୋଲି କହିଛନ୍ତି। ତାଙ୍କର ଏହି କାର୍ଯ୍ୟକୁ ବିଭିନ୍ନ ମହଲରୁ ପ୍ରଶଂସା କରାଯାଉଛି।
ନର୍ଲାରୁ ଦୀପକ ଠାକୁରଙ୍କ ରିପୋର୍ଟ
