ବିଜେଡି ର ମୋଟରସାଇକଲ ଶୋଭାଯାତ୍ରା
ଡାବୁଗାଁ, ୩/୪ (ମ.ନି.ସ.)- ସାଧାରଣ ନିର୍ବାଚନ ଘୋଷଣା ହେବ ପରେ ରାଜ୍ୟରେ ବିଜେଡ଼ିର ବିଭିନ୍ନ ବିଧାନସଭା ନିର୍ବାଚନ ପାଇଁ ପାର୍ଥୀ ଘୋଷଣା କରାଯିବା ପରେ ନବରଙ୍ଗପୁର ଜିଲା ଡାବୁଗାଁ ନିର୍ବାଚନ ମଣ୍ଡଳୀ ପାଇଁ ବିଜେଡି ପାର୍ଥୀ ଭାବେ ମନୋହର ରନ୍ଧାରୀ ଟିକେଟ 
ପାଇଥିଲେ | ଟିକେଟ ପାଇବା ପରେ ବୁଧବାର ଡାବୁଗାଁ ଠାରେ ବିଜେଡି ପାର୍ଥୀ ମୋଟରସାଇକଲ ଶୋଭାଯାତ୍ରା କରି ପ୍ରଚାର ଆରମ୍ଭ କରିଛନ୍ତି । ବିଜେଡି ବିଧାୟକ ପାର୍ଥି ଓ ବିଜେଡି କର୍ମୀ ମାନେ ମୋଟରସାଇକଲ ଯୋଗେ ଡାବୁଗାଁ ଠାରୁ ବାହାରି ବଡଓଲମା , ଜବାଗୁଡ଼ା ଓ ଜୁନାପାଣି ପଞ୍ଚାୟତ ରେ ବିଜେଡି କର୍ମୀ ମାନେ ମୋଟରସାଇକେଲ ଯୋଗେ ରାଲି କରି ପ୍ରତି ଗ୍ରାମରେ ପହଞ୍ଚି ପ୍ରଚାର କରିଥିଲେ | ଶେଷରେ ଜୁନାପାଣି ସାପଧରଗୁଡା ଗ୍ରାମରେ ମୋଟର ସାଇକେଲ ରାଲି ପହଞ୍ଚିଥିଲା | ବିଧାୟକ ପାର୍ଥି ଙ୍କୁ ପ୍ରତ୍ୟେକ ଗ୍ରାମରେ ଜନସାଧାରଣ ମାନେ ସ୍ଵାଗତ ଜଣାଇଥିଲେ । ଏହି ରାଲୀରେ ବ୍ଲକ ବିଜେଡି ସଭାପତି ସୁରେନ୍ଦ୍ର କୁମାର ମିଶ୍ର, ବିଧାୟକ ପ୍ରତିନିଧି ଏମ ବୁଲୁ ରାଓ, ଏମପି ପ୍ରତିନିଧି ଏମ ଆପ୍ପା ରାଓ , ଡାବୁଗାଁ ଜିଲାପରିଷଦ ସଭ୍ୟ ଧନସିଂ ଭତ୍ରା ଓ ଗୁପ୍ତ ବିଶୋଇ, ପ୍ରତି ପଞ୍ଚାୟତ ର ସରପଞ୍ଚ, ସମିତିସଭ୍ୟ ଓ ବହୁତ କର୍ମୀ ମାନେ ସାମିଲ ଥିଲେ ।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
