କରାଟିକିଲି ଠାରେ ବିଶ୍ୱ ପରିବେଷ ଦିବସ ପାଳିତ
ଭବାନୀପାଟଣା : ପ୍ରତିବର୍ଷ ଜୁନ ୫ ତାରିଖ କୁ ବିଶ୍ୱ ପରିବେଷ ଦିବସ ଭାବରେ ପାଳନ କରାଯାଏ l ଏହି କ୍ରମରେ ଆଜି କରାଟିକିଲି ଅଙ୍ଗନୱାଡି ସେଣ୍ଟର ଠାରେ ଜନ ଶିକ୍ଷଣ ସଂସ୍ଥାନ କଳାହାଣ୍ଡି ପକ୍ଷରୁ ବିଶ୍ୱ ପରିବେଷ ଦିବସ ପାଳନ କରାଗଲା l ଆଜିର ଏହି କାର୍ଯ୍ୟକ୍ରମ ରେ ଥୁଆପଦର ହାଇସ୍କୁଲ ର ଶିକ୍ଷୟତ୍ରୀ ଶ୍ରୀମତୀ ଦିପ୍ତିମୟୀ ସିଂଘ,ଜନ ଶିକ୍ଷଣ ସଂସ୍ଥାନ କଳାହାଣ୍ଡି ର କାର୍ଯ୍ୟକର୍ତା ଶ୍ରୀ ଗଙ୍ଗାଧର ନାଏକ, ଶ୍ରୀମତୀ କ୍ଷୀରମଣୀ କୁମାର,ପ୍ରକୃତି ବନ୍ଧୁ ଶ୍ରୀ ଶମ୍ଭୁ ବିଶି, ପ୍ରକୃତି ପ୍ରେମୀ ଶ୍ରୀ ଯଶୋବନ୍ତ ରଣା, ଅଙ୍ଗନୱାଡି କର୍ମୀ ଶ୍ରୀମତୀ ପ୍ରମିଳା ପ୍ରଧାନ ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ l ଅଞ୍ଚଳ ର ପଚାଶ ରୁ ଉର୍ଧ୍ଵ ଯୁବକ ଯୁବତୀ ଏହି କାର୍ଯ୍ୟକ୍ରମ ରେ ଯୋଗଦେଇଥିଲେ l ପାଣିପାଗ ର ପରିବର୍ତନ ଓ ପ୍ରବଳ ଖରା ହେବାର ମୁଖ୍ୟ କାରଣ କୁ ନେଇ ପ୍ରଥମେ ଅତିଥି ମାନେ ବକ୍ତବ୍ୟ ରଖିଥିଲେ l ପାଣିପାଗ ର ମୁଖ୍ୟ କାରଣ ହେଲା ପରିବେଷ ଦୂଷିତ ହେବା ଓ ଜଙ୍ଗଲ ସବୁ କ୍ଷୟ ଯୋଗ ପରିବର୍ତନ ହେଉଛି ବୋଲି ଅତିଥି ମାନେ ମତବ୍ୟକ୍ତ କରିଥିଲେ l ପ୍ରତେକ ବ୍ୟକ୍ତି ୫ ଟି ଲେଖାଏଁ ଗଛ ଲଗେଇବା ସହ ତାର ଯତ୍ନ ନେବାକୁ ଅତିଥି ମାନେ ଉପସ୍ଥିତ ଯୁବକ ଯୁବତୀ ଙ୍କୁ କହିଥିଲେ l ଏହି ପରିପ୍ରେକ୍ଷୀରେ ଏକ ଶପଥ ପାଠ ମଧ୍ୟ ଅନୁଷ୍ଠିତ ହୋଇଥିଲା l ସମସ୍ତେ ଶପଥ ନେଇ କହିଥିଲେ ଆଗାମୀ ଦିନରେ ବିପୁଳ ପରିମାଣ ରେ ଗଛ ଲଗେଇ ଜଳବାୟୁ ପାରବର୍ତ୍ତନ କୁ ରୋକିବାପାଇଁ ସ୍ଥିର କରିଥିଲେ l ପରେ ଅତିଥି ଙ୍କ ଦ୍ୱାରା ପିଜୁଳି, ଶାଗୁଆନ, ନୀଳଗିରି, ବାଦାମ, ଆମ୍ବ ଭଳି ଗଛ ସବୁ ରୋପଣ କରାଯାଇଥିଲା l ଏହି ପରିପ୍ରେକ୍ଷୀରେ ସେଣ୍ଟର ପରିସର ରେ ୨0 ରୁ ଉର୍ଧ୍ଵ ଗଛ ରୋପଣ କରାଗଲା l ଆଗାମୀ ଦିନରେ ବିପୁଳ ପରିମାଣ ରେ ଗଛ ଲଗେଇବାପାଇଁ ଲୋକଙ୍କୁ ସଚେତନ କରିବାପାଇଁ ଉପସ୍ଥିତ ଯୁବକ ଯୁବତୀ ସଂକଳ୍ପ ନେଇଥିଲେ l ଆଜିର ଏହି କାର୍ଯ୍ୟକ୍ରମ ରେ ଯେଆର କମ୍ପୁଟର ସେଣ୍ଟର ର ଛାତ୍ରଛାତ୍ରୀ ସୁରେନ୍ଦ୍ର ହଂସ, ଶ୍ରବଣ ନାଏକ, ସୀମା ସୁନାନୀ ପ୍ରମୁଖ ସହଯୋଗ କରିଥିଲେ l
ସୁଶାନ୍ତ ରଣା ଙ୍କ ରିପୋର୍ଟ୍
