ଧର୍ମଗଡ଼ ରେ କୌଶଳ ରଥକୁ ଭବ୍ୟ ସ୍ୱାଗତ
ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ, ଓଡ଼ିଶା ସରକାରଙ୍କ ଦ୍ଵାରା ଏବଂ ଜିଲ୍ଲା ପ୍ରଶାସନ ଓ ଜିଲ୍ଲା ଦକ୍ଷତା ବିକାଶ ତଥା ନିୟୋଜନ କାର୍ଯ୍ୟାଳୟ, କଳାହାଣ୍ଡି ସୌଜନ୍ୟରେ ଆଜି ଆମପାଣିରୁ ବାହାରିଥିବା କୌଶଳ ରଥ ପଞ୍ଚାୟତ ମହାବିଦ୍ୟାଳୟ ଧର୍ମଗଡରେ ପହଞ୍ଚିଥିଲା । କୌଶଳ ରଥକୁ ସ୍ଥାନୀୟ ସରକାରୀ ଉଚ୍ଚ ବିଦ୍ୟାଳୟ, 
ବାଳିକା ଉଚ୍ଚ ବିଦ୍ୟାଳୟ, ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ଓ ପଞ୍ଚାୟତ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ଭବ୍ୟ ସ୍ୱାଗତ କରାଯାଇଥିଲା । ପରେ ଛାତ୍ରଛାତ୍ରୀ ମାନେ କୌଶଳ ରଥ ବସ୍ ଭିତରକୁ ଯାଇ ଡ୍ରାଇଭିଙ୍ଗ୍ ସିମୁଲେଟର୍ ଚଳେଇବା ସହ ଡ୍ରୋନ୍, ୩ଡି ପ୍ରିଣ୍ଟ ମେସିନ୍, (କ୍ରୃତ୍ରିମ ବାସ୍ତବତା)ଆର୍ଟିଫିସିଆଲ୍ ରିଏଲିଟି/ ଭିସାଲ୍ ରିଏଲିଟି ଆଦି ବୁଲି ଦେଖିଥିଲେ । ଏହି ଅବସରରେ ଉପଜିଲ୍ଲାପାଳ ଶ୍ରୀଯୁକ୍ତ ଧୀମାନ ଚକମା, ଧର୍ମଗଡ଼, ଜୁନାଗଡ଼ ଓ କୋକସରା ତହସିଲଦାର, ଜିଲ୍ଲା ନିୟୋଜନ ଅଧିକାରୀ ଅଜିତ କୁମାର ଉତ୍ତରାୟ, ପଞ୍ଚାୟତ ମହାବିଦ୍ୟାଳୟ ଅଧ୍ୟକ୍ଷ ଏସ୍ ଜଗନ୍ନାଥ ରାଓ, ପ୍ରାଧ୍ୟାପକ ଲିଙ୍ଗରାଜ ପାତ୍ର, ଅଶୋକ ବେହେରା, ନିମାଇଁ ପାତ୍ର ପ୍ରମୁଖ ଉପସ୍ଥିତ ରହି ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ । କୌଶଳ ରଥ ସହ ଆସିଥିବା ସୁବିଦିତ ସାମନ୍ତରାୟ ଏବଂ ସି.ଏମ୍ ସ୍କିଲ୍ ଫେଲୋ ପ୍ରିୟା ଓ କେଶଭ୍ ଙ୍କ ତତ୍ତ୍ୱାବଧାନରେ ଉକ୍ତ କାର୍ଯ୍ୟକ୍ରମ ଆଧାରିତ ଏକ କୁଇଜ୍ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ପ୍ରତିଯୋଗିତାରେ ସଠିକ ଉତ୍ତର ଦେଇଥିବା ଛାତ୍ରଛାତ୍ରୀଙ୍କୁ ପ୍ରମାଣପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା । ଅନ୍ୟ ମାନଙ୍କ ମଧ୍ୟରେ ଖେଳ ଶିକ୍ଷକ ଅଭୟ ବାଗ, ସନ୍ତୋଷ ପାଣିଗ୍ରାହୀ, ଅଧ୍ୟାପକ ଗଣପତି ବାଗ, ସଂଜୀବ ମୁଣ୍ଡ, ଦୀନବନ୍ଧୁ ବାଗ, ଚିନ୍ମୟ ବାଗ, ସରୋଜ ଯୋଷୀ, ଅଧ୍ୟାପିକା ସରିତା ସାମନ୍ତରାୟ ପ୍ରମୁଖ କାର୍ଯ୍ୟକ୍ରମର ସହାୟତା କରିଥିଲେ ।
ବିଦ୍ୟାଧର ସାହୁଙ୍କ ରିପୋର୍ଟ….
