ଜଣେ ଶ୍ୱାସରୋଗୀଙ୍କୁ ସାହାଯ୍ୟର ହାତ ବଢ଼େଇ ମାନବିକତାର ପରିଚୟ ଦେଲେ ବିଜେପି ଚଚା ମଣ୍ଡଳ ସଭାପତି
ନବରଙ୍ଗପୁର: (ତା ୧୮/୦୮)(ରବି ନାରାୟଣ ମହାନ୍ତି)-ଜଣେ ଶ୍ୱାସରୋଗୀ, ଯିଏକି ଦୀର୍ଘଦିନ ଧରି ଏହି ରୋଗରେ ପୀଡିତ ଅଛନ୍ତି |ତାଙ୍କୁ ସାହାଯ୍ୟର ହାତ ବଢ଼େଇ ମାନବିକତାର ପରିଚୟ ଦେଇଛନ୍ତି ବିଜେପିର ଚଚା ମଣ୍ଡଳ ସଭାପତି ମହେଶ୍ୱର ତିୱାରୀ |ସୂଚନା ମୁତାବକ ଝରୀଗାଁ ବ୍ଲକ ଚାଟିଗୁଡା ପଂଚାୟତ ଅଧିନସ୍ଥ ପରିଆ ଗ୍ରାମର ଘନ ଭତରାଙ୍କ ସ୍ତ୍ରୀ ଚିତାଇ ଭତରା (୫୫), ଯିଏ ଦୀର୍ଘଦିନ ହେବ ଶ୍ୱାସରୋଗରେ ଆକ୍ରାନ୍ତ ହୋଇଛନ୍ତି |ଆର୍ଥିକ ଅସୁବିଧା ସାଙ୍ଗକୁ ସଚେତନତାର ଅଭାବ ଯୋଗୁଁ ତାଙ୍କର ସଠିକ ସ୍ୱାସ୍ଥ୍ୟକେନ୍ଦ୍ର ଚିକିତ୍ସା ହୋଇପାରୁନଥିଲା |ଏ ଖବରଟି ମହେଶ୍ୱର ତିୱାରୀଙ୍କ କାନରେ ବାଜିବାରୁ ସେ ସାହାଯ୍ୟ କରିବା ପାଇଁ ଆଗେଇ ଆସିଥିଲେ |ସେ ପ୍ରଥମେ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର,ନବରଙ୍ଗପୁର ଜିଲ୍ଲା ସ୍ୱାସ୍ଥ୍ୟକେନ୍ଦ୍ର ଓ ଶେଷରେ କୋରାପୁଟ ମେଡିକାଲକୁ ପଠେଇବାର ବ୍ୟବସ୍ଥା କରିଥିଲେ |ବର୍ତମାନ ରୋଗୀ ଜଣକ କୋରାପୁଟ ମେଡିକାଲରେ ଚିକିତ୍ସିତ ହେଉଛନ୍ତି |ଶ୍ରୀ ତିୱାରୀଙ୍କ ଏଭଳି ଏକ ମହତ କାର୍ଯ୍ୟକୁ ଅଞ୍ଚଳବାସୀ ବେଶ ପ୍ରଶଂସା କରୁଛନ୍ତି |
ମସିହା ନିୟୁଜ୍ ସର୍ଭିସ୍
