ଢ଼େଙ୍କାନାଳ: ଗତ ତା ୧୪.୦୪.୨୨ ରିଖ ରେ ଆମ୍ବେଦକର ଡେଭଲପମେଣ୍ଟ ଆସୋସିଏସନ୍ ପକ୍ଷରୁ ହିନ୍ଦୋଳ ଟାଉନ୍ ଠାରେ ଆମ୍ବେଦକର ଜୟନ୍ତୀ ଓ ବିଶ୍ୱ ଜ୍ଞାନ ଦିବସ ପାଳିତ ହୋଇ ଯାଇଅଛି ।ଆସୋସିଏସନ୍ ର ସଦସ୍ୟ ମାନେ ଏକ ବିରାଟ ରୋଡ ସୋ କରିବା ସହ ଧର୍ମ ଚକ୍ର ଅଙ୍କିତ ଧ୍ଵଜା ଉଡ଼େଇ ଜୟ ଭୀମ ଧ୍ବନିରେ ଚତୁର୍ଦ୍ଦିଗ ପ୍ରକମ୍ପିତ କରିଥିଲେ । ଉକ୍ତ କାର୍ଯ୍ୟକ୍ରମରେ ହିନ୍ଦୋଳ ବ୍ଲକ୍ ଅଧ୍ୟକ୍ଷାସସ୍ମିତାରାଣୀ ନାୟକ ମୁଖ୍ୟ ଅତିଥି ଭାବେ ଯୋଗଦେଇ ବାବା ସାହେବ ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରି ଥଲେ l ମୁକ୍ତି ର ସାରଥୀ , ଦଳିତ ଙ୍କ ତ୍ରାଣ କର୍ତ୍ତା ଭିମ୍ ରାଓ ଆମ୍ବେଦକର ଙ୍କ ଜୀବନୀ ଓ ବାଣୀ ସଂପର୍କ ରେ ଆଲୋକ ପାତ କରିଥଲେ ।
ସେଇପରି ସଂଧ୍ୟା ସମୟ ରେ ବାବନ୍ଧ ହରିଜନ ସାହି ସ୍ଥିତ ପାଲା ମଣ୍ଡପ ରେ ଆମ୍ବେଦକର ସୋସାଇଟି ଆନୁକୁଲ୍ୟରେ ଭୀମ ରାଓ ଙ୍କ ୧୩୧ ତମ ଜୟନ୍ତୀ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ସଂଧ୍ୟା କାଳୀନ କାର୍ଯ୍ୟକ୍ରମରେ ବାମସେଫ୍ ର ପ୍ରବକ୍ତା ଧ୍ରୁବ ଚରଣ ବିଶ୍ଵାଳ ବାବା ସାହେବଙ୍କ ଜୀବନୀ ଉପରେ ପର୍ଯ୍ୟବେଶିତ କଥାବସ୍ତୁ ଆଲୋଚନା ପୂର୍ବକ ଭଜନ ପରିବେଷଣ କରି ଥିଲେ ଏବଂ ତାଙ୍କୁ ସହଯୋଗ କରୁଥିଲେ କଳାବତି ନାୟକ ଓ ତାଙ୍କ ସହଯୋଗୀ। ଏହି ପରିପ୍ରେ୍ଷୀରେ ଭାରତୀୟ ମୁକ୍ତି ମୋର୍ଚ୍ଚା ର କର୍ମ କର୍ତ୍ତା ଆଡ୍ଭୋକେଟ୍ ଚିତ୍ରସେନ ନାୟକ ଦଳିତ ଙ୍କ ସାମ୍ବିଧାନିକ ଅଧିକାର ଉପରେ ଆଲୋଚନା କରିବା ସହ ହିନ୍ଦୁ କୋଡ଼ ସଂପର୍କ ରେ ଆଲୋଚନା କରିଥିଲେ । ପରେ ଓଡ଼ିଶା ଉଚ୍ଚ ନ୍ୟାୟାଳୟ ର ଆଡଭୋକେଟ୍ ମାତ୍ର ୪ମିନିଟ୍ ରେ ସାମାଜିକ ସ୍ଥିତି ସଂପର୍କିତ ବିବରଣୀ ଦେବା ସହ ଜାତି “ତୋଡୋ, ସମାଜ ଗଢ଼ୋ” ଉକ୍ତି ର ବ୍ୟାଖ୍ୟା କରିଥିଲେ।ଏହି ସଂଧ୍ୟା କାଳୀନ ଆସର ରେ ସଂଗଠନ ସଭାପତି ଗଦାଧର ନାୟକ ପରିଚାଳନା କରି ଥିଲା ବେଳେ ସମ୍ପାଦକ କ୍ଷୀରୋଦ ଚନ୍ଦ୍ର ନାୟକ , ମନୋରଞ୍ଜନ ନାୟକ, ଦାଶରଥି ନାୟକ, ବାବୁଲି ନାୟକ, ଗଗନ ବିହାରୀ ନାୟକ, ସୁବ୍ରତ ନାୟକ, ଖୁକୁନି ନାୟକ,ପ୍ରିୟବ୍ରତ ନାୟକ ସମେତ ଗ୍ରାମ ର ବହୁ ଉତ୍ସାହୀ ସାମାଜିକ ବନ୍ଧୁ ଓ ଆମ୍ବେଦକର ପ୍ରେମୀ ଯୋଗ ଦେଇ କାର୍ଯ୍ୟକ୍ରମ ଟିକୁ ସଫଳ କରିଥିଲେ।
ଢ଼େଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍