ମ. ରାମପୁର,୧୮/୪(ମସୀହା): ମ.ରାମପୁର ନିକଟବର୍ତ୍ତୀ ତୁଜଙ୍ଗ ଗ୍ରାମ ସ୍ଥିତ ଶ୍ରୀ ଏଜୁକେଶନ ନିକଟ ଜାମବlହାଲି ଛକ ରେ ଆଜି ଏକ ଗଛରେ ମାଓ ପୋଷ୍ଟର ଲାଗିଥିବା ଦେଖିବାକୁ ମିଳିଛି l ୪ ଦିନର ବ୍ୟବଧାନ ପରେ ସମାନ ଅଭିଯୋଗ ନେଇ ଶ୍ରୀ ଏଜୁକେଶନ ଘରୋଇ ଶିକ୍ଷାନୁଷ୍ଠାନ ନାଁରେ ପୁଣି ଲାଗିଲା ଲାଲ୍ ବ୍ୟାନର । ରିଷିଡ଼ା ପୂର୍ତ୍ତବିଭାଗ ରାସ୍ତା ତଥା ଜାମବାହାଲି ଛକ ନିକଟରେ ଏକ ଆମ୍ବଗଛରେ ଏହି ବ୍ୟାନର ଲଗାଯାଇଛି । ଶ୍ରୀ ଏଜୁକେସନ୍ ସ୍କୁଲ ତୁଜୁଙ୍ଗ ଝିଅମାନଙ୍କ ସାଥେ ଶାରିରୀକ ନିର୍ଯ୍ୟାତନା ଦିଆଯାଉଛି । ୪ଟି ଝିଅଙ୍କୁ ସେମାନେ ବଳାତ୍କାର କରିଛନ୍ତି ଆଉ ସେମାନେ ଯଦି ଘରେ କହିବେ ତାହାହେଲେ ତାଙ୍କୁ ଜୀବନରୁ ମାରିଦେବା ଧମକ ଦେଇଛନ୍ତି । ସରକାର କିଛି ପଦକ୍ଷେପ ନ ନେବେ ତାହାହେଲେ ଆମେ ସେହି ଶ୍ରୀ ଏଜୁକେସନ ଉପରେ ପଦକ୍ଷେପ ନେବୁ । ଝିଅମାନଙ୍କୁ ସୁରକ୍ଷା ଦିଆଯାଉ । ଝିଅମାନଙ୍କ ଉପରେ ଖରାପ ବ୍ୟବହାର ତାର ପରିମାଣ କଣ ହୁଏ ସିପିଆଇ(ମାଓବାଦୀ) ବୋଲି ଉକ୍ତ ବ୍ୟାନରରେ ଉଲ୍ଲେଖ ରହିଛି । ଏଠାରେ ସୂଚନାଥାଉ କି,ଗତ ଚଉଦ ତାରିଖ ରାତିରେ ମଧ୍ୟ ସମାନ ଏହି ବିଷୟକୁ ନେଇ ସିପିଆଇ(ମାଓବାଦୀ) ଉଲ୍ଲେଖଥିବା ଏକ ବ୍ୟାନର ଲାଗିଥିଲା ଏବଂ ଆଜିର ଏହି ସମାନ ସ୍ଥାନ,ସମାନ ବିଷୟରେ ବ୍ୟାନରକୁ ଦେଖି ସାଧାରଣରେ ଚର୍ଚ୍ଚା ଜୋର୍ ଧରିଛି । ବାରମ୍ବାର ଗୋଟିଏ ଶିକ୍ଷାନୁଷ୍ଠାନ ବିରୋଧରେ ପୋଷ୍ଟର ଲାଗୁଥିବାରୁ ସତରେ ଏହା ମାଓ ପୋଷ୍ଟର ନା ବିରୋଧୀ ଗୋଷ୍ଠୀଙ୍କ କାରନାମା କି ବୋଲି ଲୋକଙ୍କ ମନରେ ସନ୍ଧିହାନ ଦେଖାଦେଇଛି l ଅପରପକ୍ଷେ ଏହି ପୋଷ୍ଟର କୁ ମଧ୍ୟ ଅଣଦେଖା କରାଯାଇ ନପାରେ ଯେ ଏହା ମାଓ ପୋଷ୍ଟର ନୁହେଁ ବୋଲି l ତେବେ ସ୍ଥାନୀୟ ପୁଲିସ୍ ପୋଷ୍ଟର ଜବତ କରି ସତ୍ୟାସତ୍ୟ ତଦନ୍ତ କରୁଛି l
ମ.ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ।