ଭୀମ ଭୋଇ ଭିନ୍ନକ୍ଷମ ସାମର୍ଥ୍ୟ ଶିବିରି ନିମନ୍ତେ ପ୍ରସ୍ତୁତି ବୈଠକ
ଡାବୁଗାଁ, ୩/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷଠାରେ ଭୀମ ଭୋଇ ଭିନ୍ନକ୍ଷମ ସାମର୍ଥ୍ୟ ଶିବିରି ନିମନ୍ତେ ଏକ ପ୍ରସ୍ତୁତି ବୈଠକ ଶୁକ୍ରବାର ଅପରାହ୍ନରେ ଅନୁଷ୍ଠିତ ହୋଇଯାଇଛି | ଏଥିରେ କିପରି ଭାବେ ଶିବିର ଆୟୋଜନ କରାଯିବ, କିପରି ଭିନ୍ନକ୍ଷମ ବ୍ୟକ୍ତି ମାନେ ଶିବିର କୁ ଆସିବେ, ଯେଉଁ ଦିବ୍ୟାଙ୍ଗ ମାନେ ଭିନ୍ନକ୍ଷମ ପ୍ରମାଣପତ୍ର ପାଇ ନାହାଁନ୍ତି ସେମାନେ ଶିବିର ପୂର୍ବରୁ 
ସ୍ଵାବଲମ୍ବନ ପୋର୍ଟାଲରେ ଆବେଦନ କରି ନିଜର ସମସ୍ତ କାଗଜପତ୍ର ଧରି ଶିବିର କୁ ଆସି ଡାକ୍ତରଙ୍କ ପାଖରେ ପରକ୍ଷା କରିବେ ଏବଂ ଜାନୁଆରୀ ମାସ ୭ ତାରିଖ ଦିନ ଭୀମ ଭୋଇ ଭିନ୍ନକ୍ଷମ ସାମର୍ଥ୍ୟ ଶିବିରି ବ୍ଲକ କାର୍ଯ୍ୟ|ଳୟରେ ଅନୁଷ୍ଠିତ ହେବ ଓ ଜାନୁଆରୀ ମାସ ୮ ତାରିଖ ଦିନ ଏଏଲଆଇଏମସିଓ ଙ୍କ ଦ୍ଵାରା ଦିବ୍ୟାଙ୍ଗ ମାନଙ୍କୁ ପରକ୍ଷା କରାଯାଇ ବିଭିନ୍ନ ଉପକରଣ ପ୍ରଦାନ ପାଇଁ ଚୟନ କରାଯିବା ନେଇ ଆଲୋଚନା ହୋଇଥିଲା | ଏହି ବୈଠକରେ ଶିଡିପିଓ ମିନତୀ ଦାଶ, ବ୍ଲକ ସାମାଜିକ ସୁରକ୍ଷା ଅଧିକାରୀ ଯତୀନ ପାଣିଗ୍ରାହୀ, ବ୍ଲକ ମଙ୍ଗଳ ସଂମ୍ପ୍ରସାରଣ ଅଧିକାରୀ ଆଦିତ୍ୟ ନାରାୟଣ ରଥ, ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଭଗବାନ ମାଝି, ପଞ୍ଚାୟତ ନିର୍ବାହୀ ଅଧିକାରୀ ଏ. ଡି ପ୍ରସାଦ, ଆକାଂକ୍ଷା ବ୍ଲକ ସହଭାଗୀ ମୋନାଲ ପରିଡା, ଅଙ୍ଗନୱାଡି ସୁପରଭାଇଜର ପ୍ରଣମିତା ପଟ୍ଟନାୟକ, ରୋଜାଲିନ ପ୍ରଧାନ, ସାଇରା ବାନୁ, ବିମଳା କୁମାରୀ ନାୟକ ଓ ସମସ୍ତ ଅଙ୍ଗନୱାଡି କର୍ମୀ ମାନେ ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
