ଧର୍ମଗଡ ସହର ରେ ହେବ ୧୦୦ ଟି ଜଳ ସଂରକ୍ଷଣ ପ୍ରକଳ୍ପ
ଏସ ଏଚ୍ ଜି କରିବେ କାମ
ଧର୍ମଗଡ:୨୬/୪/୨୨: ଆଗକୁ ବର୍ଷା ଦିନ ଆସୁଛି । ବର୍ଷା ଜଳ ସଂରକ୍ଷଣ କରି ରଖିବା ସହ ଭୂତଳ ଜଳ ସ୍ତର କୁ ବଜାୟ ରଖିବା ପାଇଁ ଅଣ୍ଟା ଭିଡ଼ି ଛନ୍ତି ରାଜ୍ୟ ସରକାର । ସହରାଞ୍ଚଳ ରେ ବର୍ଷା ଜଳ ସଂରକ୍ଷଣ ପାଇଁ ହେବ ପ୍ରକଳ୍ପ ଏଥି ପାଇଁ ଆଜି ଧର୍ମଗଡ ଏନଏସି ର ୧୪ ଟି ୱାର୍ଡ ରେ ୱାର୍ଡ଼କମିଟି ମାନଙ୍କ ମାରାଥନ ବୈଠକ ଅନୁଷ୍ଠିତ ହୋଇଯାଇଛି ।
ମୁକ୍ତା ଯୋଜନା ରେ ଧର୍ମଗଡ ସହର ରେ ୧୦୦ ଟି ବର୍ଷା ଜଳ ସଂରକ୍ଷଣ ପ୍ରକଳ୍ପ ନିର୍ମାଣ ହେବ । ଏହାର ନିର୍ମାଣ ମହିଳା ସ୍ଵଂୟ ସହାୟକ ଗୋଷ୍ଠୀ ଙ୍କ ଦ୍ଵାରା କରାଯିବ। ଏଥି ପାଇଁ ଆଜି ବିଭିନ୍ନ ୱାର୍ଡ ରେ ୱାର୍ଡ କମିଟି ବୈଠକ ସବୁ ଅନୁଷ୍ଠିତ ହୋଇ ଯାଇଛି । କାଉନସିଲର ମାନଙ୍କୁ ୱାର୍ଡ କମିଟି ର ଅଧ୍ୟକ୍ଷ ଭାବରେ ମନୋନୀତ କରାଯାଇଛି । ଏହି କମିଟି ରେ ୱାର୍ଡ ଅଫିସର, କନିଷ୍ଠ ଯନ୍ତ୍ରୀ, ସ୍ଵଚ୍ଛ ସାଥୀ, ସ୍ଵଚ୍ଛ ସୁପର ଭଇଜର ଓ ଏସଏଚଜି ଗୃପ ସଦସ୍ୟା ମାନଙ୍କୁ ସଦସ୍ୟ ଭାବେ ରଖା ଯାଇଛି । ଧର୍ମଗଡ ସହର ରେ ଥିବା ୯୭ ଟି ଏସ ଏଚ୍ ଜି ଗ୍ରୁପ ଦ୍ଵାରା ବର୍ଷା ଜଳ ସଂରକ୍ଷଣ ପ୍ରକଳ୍ପ ନିର୍ମାଣ ହେବା ପାଇଁ ସ୍ଥିରୀକୃତ ହୋଇଛି । ବୈଠକ ସବୁ ରେ ଉପାଧକ୍ଷା ଶ୍ରୀମତୀ ମନିଶା ମିଶ୍ର, କନିଷ୍ଠ ଯନ୍ତ୍ରୀ ରାଧାମୋହନ ରାୟ ଉପସ୍ଥିତ ରହି ଏହି ପ୍ରକଳ୍ପ ର ଆବଶ୍ୟକତା ଓ ଗୁରୁତ୍ବ ଉପରେ ୱାର୍ଡ କମିଟି ସଦସ୍ୟ/ସଦସ୍ୟା ଙ୍କ ସହ ଆଲୋଚନା କରିଥିଲେ । ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ।