ଅବକାରୀ ବିଭାଗର ଚଢାଉ ୨୪ କୁଇଣ୍ଟାଲ ମହୁଲ ଜବତ, ୨ ଗିରଫ
ଡାବୁଗାଁ,୯/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ବିଭିନ୍ନ ଗ୍ରାମରେ ବୁଧବାର ସକାଳେ ଡାବୁଗାଁ ଅବକାରୀ ବିଭାଗ ଚଢାଉ କରି ୨୪ କୁଇଣ୍ଟାଲ ମହୁଲ ଜବତ କରିଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ଅଧୀନ ଘୋଡ଼ାଖୁଣ୍ଟା ଅଞ୍ଚଳରେ ଟ୍ରାକ୍ଟର ଏବଂ ପିକ-ଅପ ଗାଡିରେ ମହୁଲ ଯାଉଥିବା ସୂଚନାପାଇ ଅବକାରୀ ବିଭାଗ ଚଢାଉ କରିଥିଲା । ଟ୍ରାକ୍ଟର ରୁ ୧୨କୁଇଣ୍ଟାଲ ମହୁଲ ସହ ମେଞ୍ଜର ଗ୍ରାମର କର୍ଣ୍ଣ ଭତ୍ରା ଙ୍କୁ ଅଟକ ରଖିଥିଲେ ଓ ପିକ-ଅପ ଗାଡିରୁ ୧୦ କୁଇଣ୍ଟାଲ ମହୁଲ ସହ ଘୋଡ଼ାଖୁଣ୍ଟା ଗ୍ରାମର ବେଲାଳସେନ ଶବର କୁ ଅଟକ ରଖିଥିଲେ । ମୋଟ ୨୪ କୁଇଣ୍ଟାଲ ମହୁଲ ସହ ୨ ଟି ଗାଡି ଜବତ କରାଯାଇଛି । ଏନେଇ ଅବକାରୀ କାର୍ଯ୍ୟ|ଳୟ କେସ ନଂ ୬/୨୦୨୫-୨୬ ଓ ୭/୨୦୨୫-୨୬ରେ ଦୁଇଟି ମାମଲା ରୁଜୁ କରି ଦୁଇଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ନବରଙ୍ଗପୁର ଅବକାରୀ ଅଧିକ୍ଷକ ପ୍ରତାପ ଦାଶ ଙ୍କ ନିର୍ଦ୍ଦେଶ କ୍ରମେ ଡାବୁଗାଁ ଅବକାରୀ ଉପ ନିରିକ୍ଷକ ସମୀର କୁମାର ସ୍ଵାଇଁ ଙ୍କ ସମେତ ଅବକାରୀ କର୍ମଚାରୀ ଶ୍ରୀକାନ୍ତ ବିଶୋଇ, ଗତୁଲ ନାୟକ, ବିବେକା ସାହୁ ଓ ସୁରେଖା ଭତ୍ରା ପ୍ରମୁଖ ଚଢାଉରେ ସାମିଲ ଥିଲେ।
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
