ନଦୀରେ ବୁଡ଼ି ଶିଶୁପୁତ୍ରର ସଲିଳ ସମାଧି
ମୟୂରଭଞ୍ଜ – ୨୦/୦୪ // ମୟୂରଭଞ୍ଜ ଜିଲ୍ଲାର ବହଳଦା ବ୍ଳକର ଅସନା ଗ୍ରାମପଞ୍ଚାୟତ ର ଚହଲାପଦା ଗ୍ରାମର ଜନୈକ ଶିଶୁ ନଦୀରେ ବୁଡ଼ି ମୃତ୍ୟୁ ବରଣ କରିଥିବା ଏକ ଅଭାବନୀୟ ଦୁଃଖଦ ଘଟଣା ଘଟିଯାଇଛି । ସୂଚନାଯୋଗ୍ୟ ଚହଲାପଦା ଗ୍ରାମର ତୁରାମ ସଦର ଅଭଉଣୀ ସହିତ ତାଙ୍କ ଶିଶୁ ପୁତ୍ର ଘର ପାଖରେ ବୋହି ଯାଇଥିବା ଚହଲାପଦା ନଦୀକୁ ଅପରାହ୍ନ ୩ ଟା ପାଖାପାଖି ସମୟରେ ଯାଇଥିଲେ । ସେଠାରେ ତୁରାମର ଭଉଣୀ ପୁତୁରାକୁ ନଦୀ ମୋଟରେ ଅଳ୍ପ ଦୂର ଶୌଚ ପାଇଁ ଯାଇଥିବାବେଳେ ଶିଶୁପୁତ୍ର ରିତିକ ସୟ ନଦୀ ପାଣିରେ ଖେଳୁ ଖେଳୁ ନଦୀ ଭିତରକୁ ଖସି ପାଣିରେ ବୁଡି ଯାଇଥିଲା ।ତୁରାମର ଭଉଣୀ ଆସି ରିତିକ ଖୋଜାଖୋଜି କରେ ଗାଁ ଓ ଘର ଲୋକଙ୍କୁ ଲୋକକୁ ଖବର ଦେଇଥିଲେ । ସମସ୍ତେ ଖୋଜାଖୋଜି ପରେ ନଦୀରେ ପାଇଥିଲେ ।ପରେ ମୃତକକୁ ଉଦ୍ଧାର କରି ରାଇରଙ୍ଗପୁର ଡାକ୍ତରଖାନା ଆଣିଥିଲେ । ଡାକ୍ତର ମୃତ ଘୋଷଣା କରିଥିଲେ। ରବିବାର ଦିନ ଵହଳଦା ପୋଲିସ ଏକ ଅପମୃତ୍ୟୁ ମାମଲା କେଶ ନମ୍ବର ୫ ରୁଜୁ କରି ଶବ ବ୍ୟବଚ୍ଛେଦ କରାଇ ପରିବାର ବର୍ଗଙ୍କୁ ହସ୍ତାନ୍ତର କରିଛି । ଶିଶୁପୁତ୍ର କୁ ହରାଇ ଜ୍ଞାତି ପରିଜନଦୁଃଖରେ ଭାଙ୍ଗି ପଡିଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
