ସୀମାନ୍ତ ପତ୍ରିକା ପ୍ରତିଷ୍ଠାତା ଓ ବିଶିଷ୍ଟ ବଂଶୀ ବାଦକ ପଦ୍ମ ଚରଣ ପାତ୍ରଙ୍କ ବିୟୋଗରେ ଶ୍ରଦ୍ଧାଞ୍ଜଳି ସଭା
ନବରଙ୍ଗପୁର:( ତା: ୭/୫/୨୫)(ରବି ନାରାୟଣ ମହାନ୍ତି) ସ୍ଥାନୀୟ ତୃପ୍ତି ଲଡ୍ଜ ସମ୍ମିଳନୀ ଗୃହରେ ସୀମାନ୍ତ ସାହିତ୍ୟ ପରିବାରର ପ୍ରତିଷ୍ଠାତା ତଥା ମୁଖ୍ୟ ଉପଦେଷ୍ଟା ପଦ୍ମଚରଣ ପାତ୍ରଙ୍କ ବିୟୋଗରେ ଏକ ସ୍ମୃତିଚାରଣ ତଥା ଶ୍ରଦ୍ଧାଞ୍ଜଳି ସଭା ତାଙ୍କ ଦଶାହ ଦିବସ ରେ ଅନୁଷ୍ଠିତ ହୋଇ ଯାଇଛି । ପଦ୍ମ ଚରଣ ପାତ୍ର ତାଙ୍କର ନବରଙ୍ଗପୁର ରହଣୀ ଭିତରେ ଏଇ ଅଞ୍ଚଳର ସାହିତ୍ୟ, ସଙ୍ଗୀତ ତଥା ସଂସ୍କୃତି କ୍ଷେତ୍ରରେ ଦିଗ ଦର୍ଶନ ଦେଇଥିଲେ ଏବଂ ତାଙ୍କରି ପ୍ରେରଣା ରେ ସୀମାନ୍ତ ସାହିତ୍ୟ ପତ୍ରିକା ଜନ୍ମଲାଭ କରିଥିଲା । ସେ ଏକାଧାରରେ ଜଣେ ଖ୍ୟାତି ସମ୍ପନ୍ନ ବଂଶୀ ବାଦକ, ବେହେଲା ବାଦକ, ଜଣେ ସମାଲୋଚକ ତଥା ରୁଚିପୂର୍ଣ୍ଣ ସଂସ୍କୃତିର ଉପାସକ ଥିଲେ ।ଏହି ଶ୍ରଦ୍ଧାଞ୍ଜଳି ସଭାରେ ବିଶିଷ୍ଟ ସମାଜସେବୀ ଶ୍ରୀ ଜଗନ୍ନାଥ ମହାପାତ୍ର ଅଧ୍ୟକ୍ଷତା କରି ପ୍ରଦୀପ ପ୍ରଜ୍ଜ୍ୱଳନ କରିଥିଲେ । ଦିବଂଗତ ଆତ୍ମାଙ୍କ ସଦଗତି କାମନା କରି ନୀରବ ପ୍ରାର୍ଥନା କରାଯାଇଥିଲା । ଅଶୋକ ପଟ୍ଟନାୟକ, ରଘୁନାଥ ଶତପଥି, ସୁରେଶ ମିଶ୍ର, ପ୍ରଭାକର ପାତ୍ର, ରାମ ପ୍ରସାଦ ପାତ୍ର, ବୁଲୁ ହୋତା, ମନୋଜ ପଟ୍ଟନାୟକ, ପି. ରବିକାନ୍ତ ରଘୁରାମ ପ୍ରମୁଖ ଉପସ୍ଥିତ ରହି ତାଙ୍କର ଗୁଣଗାନ କରିଥିଲେ । ୯୦ ବର୍ଷ ବୟସରେ ଭବାନିପାଟଣା ଠାରେ ତାଙ୍କ ପରଲୋକ ହୋଇଯାଇଛି।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
