ଆସ ତୁମେ ଥରେ
ଆସ ତୁମେ ଥରେ
କିଛି ମୁହୂର୍ତ୍ତକ ପାଇଁ
ପରସ୍ପର ସଂକ୍ଷେପରେ କଥା ହବା
ପରସ୍ପର ମନୋଭାବ କୁ ନେଇ
ଆବଶ୍ୟକ ଠାରୁ ଅଧିକ
କଥା ହେବା ନାହିଁ।।
ଦାରୁଣ ସମୟତ ସବୁ
ସବୁ ସାରି ଦେଲା ପରେ
କ’ଣ ବା ରହିଚି ବାକି।।
ଆସ ନିରୁପଣ କରିବା
ଅତୀତର ଦିନ ସବୁ
ଲୁହ ଭିଜା ସ୍ମୃତି ସବୁ।।
ଚାରି ଚକ୍ଷୁକୁ କରି ଏକତ୍ରିତ
ଝରୁଥିବ କାଳେ ନୟନରୁ
ଯନ୍ତ୍ରଣା ଭରା ଅଶ୍ରୁଧାର
ପରସ୍ପର ସାକ୍ଷାତରେ।।
ତୁମେ ଥିବ ମୋ ଆଖି ସାମ୍ମାରେ
ମୁଁ ଥିବି ତୁମ ଆଖି ସାମ୍ମାରେ
କିଛି କହୁଥିବ ତୁମେ
ମୁଁ ଶୁଣୁ ଥିବି
କିଛି ମୁଁ କହୁଥିବି ତୁମେ ଶୁଣୁ ଥିବ
ଆଉ ଉତସଲ୍ୟ ହେଉଥିବ ହୃଦୟ
ମନେ ପଡୁଥିବ ଅତୀତର
ଆମ ପୁରୁଣା ସମ୍ପର୍କ।।
ଯାହା ଦୁହିଁଙ୍କୁ ଦୂରେଇ ଦେଲା ସମୟ
ଦେଇଗଲା ଅସହ୍ୟ ଆଘାତ।।
ବିରହ ବେଦନାରେ ବିତିଗଲା
କେତେ ଦିନ ମାସ ବର୍ଷ
ତଥାପି ଆଶା ବାନ୍ଧିଚି
ଏଇ ମୋର ଅମାନିଆ ମନ।।
ବ୍ୟାକୁଳ ଅନ୍ତରେ ମୋର
ଡାକୁଚି ଶେଷ ଥର
ଆସ ତୁମେ ଥରେ।।
ମମତା ସାହୁ
ଗାଈଗାଁ କଳାହାଣ୍ତି