ତୁମେ ତ ସର୍ବ ନାମ

ଉପେନ୍ଦ୍ର କୁମାର ବସ୍ତିଆ

 

କେଉଁ ନାମଧରି ଡାକିବି କେଶବ 

    ତୁମେ ତ ସରବ ନାମ 

କେଉଁ ଧାମ ଯାଇଁ ପୂଜିବି ତୁମକୁ 

    ତୁମେ ତ ସରବ ଧାମ ।

 

କେଉଁ ଗୁରୁ ପାଦ ଆଶ୍ରା ମୁ କରିବି 

    ତୁମେ ତ ଗୁରୁଙ୍କ ଗୁରୁ 

କେଉଁ ଦେବ ନାମେ ପୂଜିବି ତୁମକୁ 

    ତୁମେ ପରା ସର୍ବ ମେରୁ ।

 

ଭାବଗ୍ରାହୀ ବୋଲି ଭାବକୁ ନିକଟ 

    ଅଭାବକୁ ବହୁଦୂର 

କୁହ ମୁଁ କଣ କରିବି କେଶବ 

    କେଉଁ ଭାବେ ହେବ ମୋର ।

 

ଦେଖିନାହିଁ ସିନା ଲୀଳା ଖେଳା ତୁମ

    ଶାସ୍ତ୍ର ବର୍ଣ୍ଣିତ ଅସୁମାରୀ 

ଦୁଃଖ ଦୈନ୍ୟ ଯେତେ ଜୀବନ ଯାତନା 

    ଦିଅ ମୋତେ ଟୋପେ ବାରୀ ।

 

ରାଉରକେଲା