ଓରାଘାଟ ଆଇରନ ଖଣି ରେ ଆନ୍ତର୍ଜାତିକ ଯୋଗ ଦିବସ ମହା ଆଡ଼ମ୍ବର ରେ ପାଳନ
କୋଇଡା :ଓରାଘାଟ ଆଇରନ ଖଣି ମେସର୍ସ ରୁଙ୍ଗଟା ସନ୍ସ ପ୍ରାଇଭେଟ ଲିମିଟେଡ଼ ପକ୍ଷରୁ ଚଳିତ ଜୁନ ମାସ ୧୪ ତାରିଖ ଦିନ ସିତାରାମ ରୁଙ୍ଗଟା ରିକ୍ରିଏସନ କ୍ଳବ ରେ ଆନ୍ତର୍ଜାତୀୟ ଯୋଗ ଦିବସ ଉପଲକ୍ଷେ ଯୋଗ ସପ୍ତାହ ର ଉଦଘାଟନ କାର୍ଯ୍ୟକ୍ରମ ଆୟୋଜିତ ହୋଇଥିଲା।ଏହି କାର୍ଯ୍ୟକ୍ରମ ଟି କମ୍ପାନୀ ର ସି.ଜି.ଏମ ସୁଭାଷ ଚନ୍ଦ୍ର ପ୍ରଧାନ ,ଅତିରିକ୍ତ ଜି.ଏମ ଶ୍ରୀ ରଞ୍ଜିତ କୁମାର, ଏ.ଜି.ଏମ (ମେକାନିକାଲ)ମୁକ୍ତିକାନ୍ତ ପଣ୍ଡା , ଭୂତତ୍ୱ ବିଭାଗ ସିନିୟର ମେନେଜର ବି. ଡି.ସାହୁ ,ପୋର୍ଶନେଲ ବିଭାଗ ର ପ୍ରବନ୍ଧକ ସମୀର ରଞ୍ଜନ ଦାସ ଓ ରାମେଶ୍ୱର ପାଇକରାଏ ଙ୍କ ନେତୃତ୍ୱରେ ହୋଇଥିଲା।ତେବେ ଯୋଗ ସପ୍ତାହ ର ଶେଷ ଦିନ ତଥା ଜୁନ ୨୧ ତାରିଖ ରେ ବିଶ୍ଵ ଅନ୍ତର୍ଜାତୀୟ ଯୋଗ ଦିବସରେ ଉଦଯାପନ ର କାର୍ଯ୍ୟକ୍ରମ ରହିଛି ବୋଲି କମ୍ପାନୀ ତରଫରୁ ସୂଚନା ଦିଆଯାଇଛି। ଏହି କାର୍ଯ୍ୟକ୍ରମ ରେ କମ୍ପାନୀ ର ସମସ୍ତ କର୍ମଚାରୀ ଏବଂ ଅଧିକାରୀ ମାନେ ବେଶ ଉତ୍ସାହ ର ସହ ଯୋଗ କରିବାର ଦେଖିବାକୁ ମିଳିଥିଲା। ଏହି ଯୋଗ ଅବସରରେ କମ୍ପାନୀ ର ପ୍ରବନ୍ଧକ ସମୀର ରଞ୍ଜନ ଦାସ ସମସ୍ତ ଙ୍କୁ ନିୟମିତ ଭାବେ ଯୋଗ କରିବା ସହ ଶରୀର କୁ ସୁସ୍ଥ ରଖିବା ପାଇଁ ସପଥ କରାଇଥିଲେ।
କୋଇଡା ରୁ ସୀତାରାମ ଦୀକ୍ଷିତ ରିପୋର୍ଟ
