ରାଉରକେଲା ସାହିତ୍ଯ ସଂସଦର ଶିଶୁ ମହୋତ୍ସବ
ରାଉରକେଲା : ସହରର ଅନ୍ୟତମ ସାହିତ୍ଯ ସଂସ୍କୃତି ଅନୁଷ୍ଠାନ ରାଉରକେଲା ସାହିତ୍ଯ ସଂସଦର ତ୍ରୈମାସିକ ଶିଶୁ ମହୋତ୍ସୋବ ଛେଣ୍ଡସ୍ଥିତ ଧାମରା ସଂଘ ପରିସରରେ ଅନୁଷ୍ଠିତ ହୋଇଯାଇଛି | କବି ସୁଶାନ୍ତ କୁମାର ନାୟକଙ୍କ ଆବାହକତ୍ବରେ ଓ ଅନିଲ କୁମାର ଦାଶଙ୍କ ସଭାପତିତ୍ବରେ ଆୟୋଜିତ ଏହି ସଭାରେ ମୁଖ୍ଯବକ୍ତା ଭାବରେ ଡ.ଅଶ୍ବିନୀ କୁମାର ରାୟ କହିଲେ ଯେ ସୃଜନଶୀଳତା ଅମୃତ ଉଚ୍ଛାସ ଓ ମଧୁମୟ ପ୍ରୀତିର ଅମଳିନ ଉତ୍ସ ହେଉଛି ରାଉରକେଲା ସାହିତ୍ଯ ସଂସଦ |ମୁଖ୍ଯଅତିଥି ଭାବେ ଯୋଗଦାନ କରି ଶିକ୍ଷାବିତ ପ୍ରଶାନ୍ତ କୁମାର ପତି କହିଲେ ପ୍ରାଥମିକ ସ୍ତରରୁ ଯଦି ପିଲାମାନଙ୍କୁ ଆମ ଭାଷା ସାହିତ୍ଯ ସଂସ୍କୃତିକୁ ଶୁଦ୍ଧ ଓ ସରଳ ଭାଷାରେ କିମ୍ବା ପଞ୍ଚତନ୍ତ୍ରର ଗପ ଭଳି ବୁଝାଇ ଦିଆଯିବ ସେମାନେ ଆମ ଭଷାକୁ, ଆମ ସଂସ୍କୃତିକୁ ନିଶ୍ଚିତ ଭଲପାଇବେ | ସଂସଦର ସଂପାଦକ ବିଜୟ କୁମାର ସାହୁ ବାର୍ଷିକ ବିବରଣୀ ସହ ରାଉରକେଲା ସାହିତ୍ଯ ସଂସଦର ଆଭିମୁଖ୍ଯ ଓ ଏହା ଅନ୍ଯ ସମସ୍ତ ଅନୁଷ୍ଠାନ ଠାରୁ କିପରି ସ୍ବତନ୍ତ୍ର ତାହା ଦର୍ଶାଇଥିଲେ | ଅନ୍ଯତମ ସମ୍ମାନିତ ଅତିଥି ଜୀବେଶ୍ବରୀ ପଟେଲ ସ୍ବଭାବ କବି ଗଙ୍ଗାଧରଙ୍କ କବିତାରୁ ଛୋଟ ଛୁଆଙ୍କ ପାଇଁ ସୁନ୍ଦର ଉକ୍ତିମାନ ଉଦ୍ଧର କରିଥିଲେ | ବିଭିନ୍ନ ସ୍କୁଲର କୃତିତ୍ବ ହାସଲ କରିଥିବା ୨୫ ଜଣ ଛାତ୍ରଛାତ୍ରୀଙ୍କୁ ପୁରସ୍କୃତ କରା ଯାଇଥିଲା | ପ୍ରରମ୍ଭରେ ନମ୍ରତା ଡ୍ଯାନ୍ସ ଏକାଡେମୀ ,ଅନ୍ବେଷା ଡ୍ଯାନ୍ସ ଏକାଡେମୀ,ସାଧନା ଡ୍ଯାନ୍ସ ଗ୍ରୃପ୍ ର ପିଲାମାନେ ସାଂସ୍କୃତିକ କାର୍ଯ୍ଯକ୍ରମ ପରିବେଷଣ କରିଥିଲେ | ଗୁରୁ ଜ୍ଯୋତିର୍ମୟ ଆଚାର୍ଯ୍ଯ ଓ ସାଥିଙ୍କ ଦ୍ବାରା ସ୍ବାଗତ ସଂଗୀତ ପରିବେଷଣ କରାଯାଇଥିଲା । ଉପସଭାପତି ରମେଶ ଚନ୍ଦ୍ର ବାରିକ ସ୍ବାଗତ ଅଭିଭାଷଣ ରଖିଥିଲା ବେଳେ ଗୀତାରାଣୀ ବେହେରା ମଞ୍ଚ ପରିଚାଳନା କରିଥିଲେ | ଦ୍ବିତୀୟ ପର୍ଯ୍ଯାୟରେ ନିରଞ୍ଜନ କରଣଙ୍କ ସଭାପତିତ୍ବରେ କବିତା ଆସର ଆୟୋଜନ କରାଯାଇଥିଲା , ଏଥିରେ ପ୍ରଧାନ ଶିକ୍ଷକ ସୁଶାନ୍ତ ସିଂ ସମ୍ମାନୀତ ଅତିଥି ଓ ସଂଯୋଜିକା ଭାବରେ କବୀ ନିରୁପମା ନାୟକ, ରୀନାରାଣୀ ସ୍ବାଇଁ, ସୁଚିସ୍ମିତା ପଣ୍ଡା ଯୋଗଦାନ କରିଥିଲେ | କବି ପଞ୍ଚାନନ ସାହୁ, ଉପେନ୍ଦ୍ର ବସ୍ତିଆ ,ବିଜୟ ମହାପାତ୍ର,ଅକ୍ଷୟ କୁମାର ଧଳ,ନିରଞ୍ଜନ କରଣ,ସସ୍ମିତା ପ୍ରଧାନ ,ପ୍ରଶାନ୍ତ କୁମାର ପତି,ଗଙ୍ଗାଧର ପୁହାଣ,ପ୍ରଦୀପ ପଣ୍ଡା,ପର୍ଶୁରାମ ବାରିକ,ବସନ୍ତ ବିଶ୍ବକର୍ମା,ସୁକାନ୍ତି ବାରିକ,ସୁଶାନ୍ତ ସିଂହ ପ୍ରମୁଖ କବିତା ପାଠ କରଥିଲେ | ଅନ୍ଯମାନଙ୍କ ମଧ୍ଯରେ ବାଳକୃଷ୍ଣ ସ୍ବାଇଁ,ସୂର୍ଯ୍ଯମଣୀ ପଣ୍ଡା, ନିତ୍ଯାନନ୍ଦ ବିଶ୍ବାଳ,ବିମ୍ବାଧର ପାଢି ଆଦି କାର୍ଯ୍ଯକ୍ରମ ପରିଚାଳନାରେ ସହଯୋଗ କରିଥିଲେ । ଶେଷରେ ସୁଚିତ୍ରା ଲେଙ୍କା ଧନ୍ଯବାଦ ଅର୍ପଣ କରିଥିଲେ |
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
