ଜିଲ୍ଲାସ୍ତରୀୟ “ଉତ୍ସାହ-2025” ପ୍ରତିଯୋଗୀତା ଅନୁଷ୍ଟିତ
ଆଦ୍ୟ ତାରିଖ 19.10.2025 ଦିନ ଜୟ ଶଙ୍କର ସେବାଶ୍ରମ, ବେଲସରାଠାରେ ଜିଲ୍ଲା ଶିଶୁ ସୁରକ୍ଷା ୟୁନିଟ ଆନୁକୂଲ୍ୟରେ ଜିଲ୍ଲାସ୍ତରୀୟ “ଉତ୍ସାହ-2025” ପ୍ରତିଯୋଗୀତା ସୁନ୍ଦରଗଡ଼ ଜିଲ୍ଲାର ଶିଶୁ ଯତ୍ନ ଅନୁଷ୍ଠାନର ରହୁଥିବା ଶିଶୁମାନଙ୍କ ମଧ୍ୟରେ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମରେ ଅତିରିକ୍ତ ଏସ.ପି. ମହେନ୍ଦ୍ରନାଥ ମୁର୍ମୁ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ l କାର୍ଯ୍ୟକ୍ରମରେ 
ଜିଲ୍ଲା କାରାଗାର ଅଧିକ୍ଷକ ଜୀବନ ସିଂ ମୁଣ୍ଡା, ସାଇବର କ୍ରାଇମ ବିଶେଷଜ୍ଞ ମୁକେଶ ସାହାଣୀ, ପୋଲିସ ନିରୀକ୍ଷକ ଇନଚାର୍ଜ ଟାଙ୍ଗରପାଲି ଥାନା ଆଦି ଅତିଥି ଭାବରେ ଯୋଗ ଦେଇଥିଲେ ଏବଂ ସାଇବର କ୍ରାଇମ ବିଷୟରେ ସଚେତନ କରିଥିଲେ l ଶିଶୁମାନଙ୍କ ମଧ୍ୟରେ ଦୌଡ଼, ଫୁଟବଲ, ଚେସ, କେରମ ଆଦି ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା ଓ କୃତି ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା l ଉଲ୍ଲେଖଯୋଗ୍ୟ ଯେ ବିଭିନ୍ନ ପ୍ରତିଯୋଗିତାରେ ପ୍ରଥମେ ସ୍ଥାନ ଗ୍ରହଣ କରିଥିବା ଶିଶୁମାନେ ଭୁବନେଶ୍ୱରର କଳିଙ୍ଗ ଷ୍ଟାଣ୍ଡିଅମରେ ଅନୁଷ୍ଠିତ ହେବାକୁ ଯାଉଥିବା ରାଜ୍ୟସ୍ତରୀୟ ଶିଶୁ ମହୋତ୍ସବରେ ଭାଗ ନେବେ l ଏହି କାର୍ଯ୍ୟକ୍ରମରେ ସୁନ୍ଦରଗଡ଼ ଶିଶୁ ମଙ୍ଗଳ କମିଟିର ସଭ୍ୟ, ଜିଲ୍ଲା ଶିଶୁ ସୁରକ୍ଷା ୟୁନିଟର ସମସ୍ତ କର୍ମକର୍ତ୍ତା, ଚାଇଲଡ ଲାଇନର କାର୍ଯ୍ୟକର୍ତ୍ତାଗଣ ତଥା ଶିଶୁ ଯତ୍ନ ଅନୁଷ୍ଠାନମାନଙ୍କର କର୍ମଚାରୀ ବୃନ୍ଦ ସକ୍ରିୟ ଅଂଶଗ୍ରହଣ କରିଥିଲେ l ପାଖାପାଖି 150 ଜଣ ଉକ୍ତ କାର୍ଯ୍ୟକ୍ରମରେ ଯୋଗ ଦେଇଥିଲେ l ଶେଷରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶ୍ରୀବନ୍ତ ଜେନା ଧନ୍ୟବାଦ ଅର୍ପଣ କରିଥିଲେ l
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
