କବି ସୁଶାନ୍ତ ରଣା ପାଇବେ ବିକ୍ଷିପ୍ତା ଜ୍ୟୋତି ସମ୍ମାନ
କଳାହାଣ୍ଡି: ତେରେସିଂହା ଗ୍ରାମର ଯୁବକବି ସୁଶାନ୍ତ ରଣା “ବିକ୍ଷିପ୍ତା ଜ୍ୟୋତି ସମ୍ମାନ” ରେ ସମ୍ବର୍ଦ୍ଧିତ ହେବେ I ଏନେଇ ଗଞ୍ଜାମ ଜିଲ୍ଲା ର ବିକ୍ଷିପ୍ତା ସାହିତ୍ୟ ପ୍ରତିଷ୍ଠାନ ପକ୍ଷରୁ ନାମ ଘୋଷଣା କରାଯାଇଛି I ଆସନ୍ତା ୧୩ ଓ ୧୪ ତାରିଖରେ ହେବାକୁ ଥିବା ଅନ୍ତର୍ଜିଲ୍ଲା ବିକ୍ଷିପ୍ତା ସାହିତ୍ୟ ସମ୍ମିଳନୀରେ ତାଙ୍କୁ ସମ୍ବର୍ଦ୍ଧିତ କରାଯିବ ବୋଲି ପ୍ରତିଷ୍ଠାନର ସାଧାରଣ ସମ୍ପାଦକ ଡ. ଶ୍ୟାମା ପ୍ରସାଦ ମିଶ୍ର ସୂଚନା ଦେଇଛନ୍ତି l କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ଐତିହାସିକ ମାଟି ତେରେସିଂହା ଗ୍ରାମର ଭରତ ରଣା ଓ ମାତା ପାଟବତୀ ରଣାଙ୍କ ପୁତ୍ର ସୁଶାନ୍ତ ରଣା ଜଣେ କବି, ଗାଳ୍ପିକ ତଥା ଯୁବ ସାମ୍ବାଦିକ l ଛାତ୍ର ଜୀବନରୁ ହିଁ ସାହିତ୍ୟ ପ୍ରତି ଆଗ୍ରହ ରଖିଥିବା ଶ୍ରୀ ରଣା ଶତାଧିକ କବିତା, ଗଳ୍ପ ଲେଖିବା ସହ ଲେଖା ଜାରି ରଖିଛନ୍ତି l ବିଭିନ୍ନ ଖବର କାଗଜ ଓ ସାମାଜିକ ଗଣମାଧ୍ୟମରେ ତାଙ୍କ ରଚିତ ଅନେକ କବିତା/ଗଳ୍ପ ପ୍ରକାଶିତ ହୋଇଥିବା ବେଳେ ଏଫ୍.ଏମ୍ ୧୦୪ ରେଡ଼ିଓ ଷ୍ଟେସନ୍ ରେ ଅନେକ ସମ୍ବଲପୁରୀ କଥାନି ପ୍ରସାରିତ ହୋଇ ବେଶ ପାଠକୀୟ ଆଦୃତ ଲାଭ କରିପାରିଛି l କବିତା, ଗଳ୍ପ ଓ ସାମ୍ବାଦିକତା ପାଇଁ ବିଭିନ୍ନ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ ହୋଇଥିବା ବେଳେ ଆସନ୍ତା ୧୪ ତାରିଖରେ “ବିକ୍ଷିପ୍ତା ଜ୍ୟୋତି ସମ୍ମାନ” ଗ୍ରହଣ କରବେ ବୋଲି ପ୍ରକାଶ କରିଛନ୍ତି l
ବିଷ୍ଣୁ ଚରଣ ସ୍ବାଇଁ ଙ୍କ ରିପୋର୍ଟ୍
