ଚାଲିଗଲ ଛାଡି……..
ତୃପ୍ତି ରାଣୀ ପାତ୍ର
ସାହିତ୍ୟାକାଶର ମହାଦୃମ ତୁମେ
ତୁମେ ଯଶୋବନ୍ତୀ ନାରୀ
ପ୍ରେରଣାର ଉତ୍ସ ହୋଇ ନାରୀପ୍ରାଣେ
କିପରି ଯିବୁ ପାଶୋରି ।
ଯେବର୍ଷେ ସ୍ୱତନ୍ତ୍ର ଉତ୍କଳ ପ୍ରଦେଶ
ଲଭିଲା ମାନ୍ୟତା ଆମ
ଉଣେଇଶି ଶହ ଛତିଶି ବରଷ
ସେବର୍ଷେ ସମ୍ଭୂତ ତୁମ ।
ବ୍ରହ୍ମପୁରେ ତୁମ ହୋଇବ ସମ୍ଭୂତ
ପିତାଗ୍ରାମ ଚାନ୍ଦୋଳରେ
ଜୀବନ କବିତା ସୃଜନ ପ୍ରଥମ
କବିତା ସଂକଳନରେ ।
ଅର୍ଥନୀତିରେ ସ୍ନାତକୋତ୍ତର ଶେଷେ
ଅଧ୍ୟାପିକା କର୍ମ ଲାଭ
ଉଣେଇଶି ଶହ ଷାଠିଏ ସାଲରେ
ଅଧ୍ୟାପନା କାର୍ଯ୍ୟାରମ୍ଭ ।
*ତନ୍ଦ୍ରାହତ* ତୁମ କରିଲା ଚକିତ
ନାରୀ ମହଲେ ପ୍ରକାଶ
ଗୋଟିଏ ରାତ୍ରିର କାହାଣୀ ଗଳପ
ପ୍ରଜାତନ୍ତ୍ରରେ ପ୍ରକାଶ ।
ଉଣେଇଶ ଏକଷଠି ମସିହାର
*ନାଉଗଛ* ଲେଖିଥିଲେ
*କୁନ୍ତଳା କୁମାରୀ* ମହାବିଦ୍ୟାଳୟ
ଅଧ୍ୟାପନା *ବାଲେଶ୍ଵରେ* ।
ପାଠକୀୟ ସ୍ଵୀକୃତି ଲଭି ଆନନ୍ଦ
ଗଲ୍ପ ଲେଖାରେ ଆଗ୍ରହୀ
ଚଳନ୍ତି ଜୀବନ ସତସତିକାର
ଘଟଣା ବର୍ଣ୍ଣନାକାରୀ ।
ଆପେ ମାଡିଥିବା ନାଉଗଛଟିର
ଗଳ୍ପ ଲେଖାର ପ୍ରେରଣା
ପାଟଦେଇ ଗଳ୍ପ ଭୁବନେଶ୍ବରର
ଘଟିବା ସତ୍ୟ ଘଟଣା ।
ବସ୍ ଟିରେ ଯାଉଥିବା ଏକଝିଅ
ଠେଲି ବସି ଯାଇଥିଲା
ସୁନ୍ଦର ଚିନ୍ତନ ତାହାରି ବିଷୟ
ବର୍ଣ୍ଣନା ଖ୍ୟାତି ଅର୍ଜିଲା ।
ସେହି ପାଟଦେଇ ପାଇଁ ସମ୍ମାନିତ
ହୋଇଲେ କେନ୍ଦ୍ର ସାହିତ୍ୟେ
ଏକାଡେମୀ ପୁରସ୍କାର ବିବେଚିତ
ଉଣେଇଶି ଶହ ନବେ ।
ପୁରସ୍କାର ପରେ ପୁରସ୍କାର ମାଳ
ପିନ୍ଧିଲେ ମାଳା ସଦୃଶ
ଅତିବଡ଼ି ଜଗନ୍ନାଥ ଦାସ ପ୍ରାପ୍ତ
ଝଙ୍କାର ପୁରସ୍କାର ।
କସ୍ତୁରୀ ମୃଗ ସବୁଜ ଅରଣ୍ୟ
ଓଡ଼ିଶାର ସାହିତ୍ୟରେ
ଏକାଡେମୀ ପୁରସ୍କାର ସମ୍ମାନ
ହୋଇଲେ କାଳଜୟୀରେ ।
ଶାରଳା,ସାହିତ୍ୟ ଭାରତୀ ସମ୍ମାନ
ବିଷୁବ ପୁରସ୍କାର
ଧରିତ୍ରୀରେ କ୍ଷୁଦ୍ରଗଳ୍ପ ସମ୍ମାନ
ଦେଲେ ସାହିତ୍ୟ ଭଣ୍ଡାର ।
ଦୁଇହଜାର କୋଡିଏରେ *ପଦ୍ମଶ୍ରୀ*
ଲଭି ହୋଇଲେ ଅମର
କୋଟି ଓଡିଆଙ୍କ ପ୍ରାଣର ରୂପଶ୍ରୀ
ଚାଲିଗଲେ ଆରପୁର ।
ଝୁରେ ନରନାରୀ ହୃଦୟରେ ସ୍ମରି
ନାମ ଗୁଣେ କର୍ମକରି
ଅମ୍ଳାନ ପ୍ରତିଭା ଭାଷା ସୁବର୍ଣ୍ଣଶ୍ରୀ
ପ୍ରଶଂସା କରୁ ତୁମ୍ଭରି ।
ମହାଦୃମ ସମ ମଧ୍ୟଭାଗେ ରହି
ସାହସ ଦିଅ ଆବୋରି
ତୁମ ଶକତିର ଓହଳକୁ ଧରି
ହେଉଥିଲୁ ନାବ ପାରି ।
କରେ ନିବେଦନ ପ୍ରାର୍ଥନା ବିନତୀ
ହେଉ ଆତ୍ମାର ସଦ୍ଗତି
ଚାଲିଗଲ ଛାଡି ମହାଦୃମ ହୋଇ
ସୁମରୁଛୁ ଯଶ କୃତି ।