ଉତ୍କେଳା,୧୪/୦୫, ମ ନି ସ, କେସିଙ୍ଗା ବ୍ଲକ ଅନ୍ତର୍ଗତ କିକିଆ ଗ୍ରାମ ପଞ୍ଚାୟତ ଅଧୀନ ଡଙ୍ଗରମୁର୍ଲି ଗ୍ରାମର ବିଧବା ଯୋଶବନ୍ତୀ ପ୍ରଧାନ ଗତ ୩ ବର୍ଷ ତଳେ ନିଜ ସ୍ବାମୀଙ୍କୁ ହରାଇଲା ପରେ ଓ ନିଜ ଭିନ୍ନକ୍ଷମ ପୁଅ ସମିର ପ୍ରଧାନ ଜନ୍ମରୁ ବିକଳାଙ୍ଗ ପୁଅ ଭତ୍ତା ଖଣ୍ଡେ ଯୋଗାଇ ଦେବାକୁ ବହୁବାର ପ୍ରଶାସନର ଦ୍ବାରସ୍ଥ ହୋଇଥିଲେ । ହେଲେ କୈାଣସି ପ୍ରକାର ସହାୟତା ମିଳିପାରିନଥିଲା। ଏନେଇ ଯୁବ ସମାଜସେବୀ ଶ୍ରୀ ମହିପାଳ ପୋଡ଼ ଙ୍କୁ ଜଣାଇଥିଲେ ଏହା ପରେ ସମାଜସେବୀ ଶ୍ରୀ ପୋଡ଼ ବ୍ଲକ ପ୍ରଶାସନ ଓ ଜିଲ୍ଲା ପ୍ରଶାସନକୁ ଅଭିଯୋଗ କରିଥିଲେ। ପରେ ପ୍ରଶାସନ ଯୋଶବନ୍ତି ଓ ତାଙ୍କ ଭିନ୍ନକ୍ଷମ ପୁଅ ସମିର କୁ ଭତ୍ତା ର ବ୍ୟବସ୍ଥା କରାଯାଇଥିଲା। ଗତ ମଙ୍ଗଳବାର ଦିନ ବ୍ୟାଙ୍କ୍ ଆକାଉଣ୍ଟ ଜରିଆରେ ୪ ମାସର ଭତ୍ତା ପ୍ରଦାନ କରିଥିଲେ। ଯୁବ ସମାଜସେବୀ ମହିପାଳ ପୋଡ଼ ଙ୍କ ଏପରି କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି।
ଉତ୍କେଳା ରୁ ଅର୍ଜୁନ ପୋଡ଼ ଙ୍କ ରିପୋର୍ଟ ।
