ସେବା ଓ ତ୍ୟାଗର ପ୍ରତୀକ : ଇଂ.ଗୋପାଳ କୃଷ୍ଣ ଦାସ
କଟକ : ସେ ଅନନ୍ୟ ଆଦର୍ଶରେ ଅନୁପ୍ରାଣୀତ ବିଶିଷ୍ଟ ପ୍ରତିଭାଧାରୀ,ନୀତିନିଷ୍ଠ,ଧର୍ମପ୍ରାଣ ବ୍ୟକ୍ତିତ୍ୱ,ସାମାଜିକ କର୍ମୀ,ରକ୍ତଦାତା, ସମାଜ ସଂସ୍କାରକ,ମହାନ୍ ମଣିଷ, ପରିବେଶବିତ,କବି,ସାହିତ୍ୟିକ,ସୁବକ୍ତା (ମୋଟିଭେଟନାଲ୍ ସ୍ପିକର),ବୈଷାୟିକ ଜ୍ଞାନ କୌଶଳ ତଥା ପ୍ରଯୁକ୍ତି ବିଦ୍ୟାରେ ଉଚ୍ଚ କୋଟିର ଗବେଷକ ଇଂ.ଗୋପାଳ କୃଷ୍ଣ ଦାସ ଅନ୍ୟତମ । ସେ ଯାଜପୁର ଜିଲ୍ଲା ବରୀ ବ୍ଲକ ଉପକଣ୍ଠ ରାଉତସାହି ଗ୍ରାମରେ ତାଂକ ଜନ୍ମ । ବୃତ୍ତିରେ ସେ ସଫ୍ଟୱେର ଇଞ୍ଜିନିୟର ପ୍ରବୃତ୍ତି ସମାଜ ସେବା ଆଉ ସାହିତ୍ୟ ସାଧନା । ସେ ଜନସଚେତନ କାର୍ଯ୍ୟକ୍ରମ,ସ୍ୱାସ୍ଥ୍ୟ ସେବା ଶିବିର, ବୃକ୍ଷରୋପଣ,ସେବାକାର୍ୟ୍ଯ, ଅସହାୟ ଲୋକଙ୍କୁ ସହଯୋଗ ପ୍ରଦାନ,କମ୍ବଳ ଓ ଖାଦ୍ୟ ବଣ୍ଟନ,ଵିଶେଷ କରି ଶିଶୁ କର୍କଟ ରୋଗୀଙ୍କ ସେବାରେ ସମର୍ପିତ,ସାହିତ୍ୟ ସେବା,ଧାର୍ମିକ କାର୍ଯ୍ୟରେ ସଦା ତତ୍ପର । ବିଭିନ୍ନ ଆଶ୍ରମ,ସେଲ୍ଟର ହୋମ,ବାଳାଶ୍ରମ, ବିଦ୍ୟାଳୟ ମହାବିଦ୍ୟାଳୟ,ସ୍ୱାସ୍ଥ୍ୟକେନ୍ଦ୍ର ଆଦିରେ ପହଂଚି ବିଭିନ୍ନ ସେବା କାର୍ଯ୍ୟକ୍ରମ,ସଫେଇ,ଖାଦ୍ୟ ବଣ୍ଟନ,ଶିଶୁ କର୍କଟ ରୋଗୀଙ୍କ ସେବାରେ ବ୍ରତୀ । ସେ ଏଯାବତ୍ ୬୬ ଥର ରକ୍ତଦାନ କରିଛନ୍ତି ।ଜଣେ ଖ୍ୟାତିସମ୍ପନ୍ନ କବି ବା ଲେଖକ ଭାବେ ବହୁ ସଭା ସମିତିରେ ଯୋଗଦାନ କରି କବିତା ଆବୃତି କରିବା,କବିତା ସଂଯୋଜନା କରିବା ଆଦି ଅନେକ ପ୍ରତିଭା ରହିଛି । ତାଙ୍କ ଲିଖିତ ବହୁ କବିତା ଆଉ ପ୍ରବନ୍ଧ ସଂକଳନ ପ୍ରକାଶିତ ହୋଇ ଖୁବ୍ ପାଠକୀୟ ସ୍ଵିକୃତୀ ଲାଭ କରିଛି । ତାଙ୍କର ଅନେକ ପୁସ୍ତକ ଏବେ ପ୍ରକାଶିତ ଅପେକ୍ଷାରେ । ସେ ନିଜେ ୱେବସାଇଟ ଓ ଆଣ୍ଡ୍ରଏଡ ମୋବାଇଲ ଆପ ତିଆରି କରି ଲୋକମାନଙ୍କୁ କିପରି ଓଡ଼ିଆ ସାହିତ୍ୟ,ଭାଷା ଓ ସଂସ୍କୃତି ପାଇଁ ମନ ବଳାଇ ବା ପାଇଁ ସର୍ବଦା ଚେଷ୍ଟିତ । ତାଙ୍କ ୱେବସାଇଟ (https://authorgopaldas.in)ରେ ତାଙ୍କ ସ୍ୱରଚିତ ସମସ୍ତ ଗଳ୍ପ,ଉପନ୍ୟାସ,କବିତା ବିନା ମୂଲ୍ୟରେ ଉପଲବ୍ଧ । ତାଙ୍କ ଆଣ୍ଡ୍ରଏଡ ଆପସ “ସ୍ୱାଭିମାନ” ମଧ୍ୟ ଗୁଗୁଲ ପ୍ଲେ ଷ୍ଟୋରରେ ଉପଲବ୍ଧ ହେଉଛି ।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
