ସିଟି ସ୍ତରୀୟ ଖେଲୋ ଇଣ୍ଡିଆ ମହିଳା ଅସ୍ମିତା ସାଇକେଲିଂ ଲିଗ୍ ଅନୁଷ୍ଠିତ
ରାଉରକେଲା ୧୯/୬/୨୬: , ବିଶ୍ବ ବାଇସାଇକେଲ ଦିବସ ପାଳନ ପରିପ୍ରେକ୍ଷୀରେ ଖେଲୋ ଇଣ୍ଡିଆ ଅନ୍ତର୍ଗତ ସିଟି ସ୍ତରୀୟ ମହିଳା ଅସ୍ମିତା ସାଇକେଲିଂ ଲିଗ୍ ଆଜି ଅନୁଷ୍ଠିତ ହୋଇଯାଇଛି। ଏଥିରେ ବିଭିନ୍ନ ସଂଗଠନର ମହିଳା ସଦସ୍ୟଙ୍କ ସହ ସ୍କୁଲ ଓ କଲେଜର ଯୁବତୀମାନେ ଅଂଶଗ୍ରହଣ କରିଥିଲେ। ଭାରତ ସରକାରଙ୍କ ଯୁବ ଓ ସ୍ପୋର୍ଟସ ମନ୍ତ୍ରଣାଳୟ, ସ୍ପୋର୍ଟସ ଅଥରିଟି ଅଫ ଇଣ୍ଡିଆ, ଫିଟ୍ ଇଣ୍ଡିଆ, ସିଏଫ୍ଆଇ ଏବଂ ଓଡିଶା ସାଇକେଲିଂ ଆସୋସିଏସନର ମିଳିତ ସହଯୋଗରେ ଆୟୋଜିତ ଅସ୍ମିତା ସାଇକେଲିଂ ଲିଗରେ କୃତୀ ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା l ସାଇକେଲ ଶୋଭାଯାତ୍ରା ସେକ୍ଟର – ୧୩ ମେଲଣ ପଡିଆରୁ ବାହାରି ସେକ୍ଟର ୭/୧୭ ଛକ ହୋଇ ପୁଣି ୧୩ ନମ୍ବର ପଡିଆକୁ ପ୍ରତ୍ୟାବର୍ତନ କରିଥିଲା l ମୁଖ୍ୟଅତିଥି ଭାବେ ପୋଲିସ ଇନ୍ସପେକ୍ଟର କ୍ଷିତୀଶ ଚନ୍ଦ୍ର ପାତ୍ର, ସୁନ୍ଦରଗଡ଼ ଡ଼ିଏଏ ର ଉପ ସଭାପତି ରାଧା ମୋହନ ନାୟକ ଓ ଓଡିଶା ସାଇକିଲିଂ ଆସୋସିଏସନ ର ଯୁଗ୍ମ ସମ୍ପାଦକ ଗୋପୀନାଥ ପଣ୍ଡା ମିଳିତ ଭାବେ ସବୁଜ ପତାକା ଦେଖାଇ ଶୋଭାଯାତ୍ରା ର ଶୁଭାରମ୍ଭ କରିଥିଲେ l
ଆୟୋଜିତ କାର୍ଯ୍ୟକ୍ରମ ରେ ଡିଏଏ ର ବରିଷ୍ଠ ସଦସ୍ୟ ଆରବିନ୍ଦ ପାତ୍ର, ବିବୁଦତ୍ତ ବେହେରା, ଇସ୍ପାତ କଲେଜ ର ପିଇଟି ଅଧ୍ୟାପକ ସୁବ୍ରତ ଭଞ୍ଜ, ଉଦିତ ନଗର ହାଇସ୍କୁଲ ର ପିଇଟି ଶିକ୍ଷକ ଆଶିଷ ପ୍ରଧାନ, ଆରଇସି ହାଇସ୍କୁଲ ର ପିଇଟି ଶିକ୍ଷକ ଅଜୟ କୁମାର ରାଉତ, ୱାଇଏମଏଫଆଇ ର ସାଧାରଣ ସମ୍ପାଦକ ବିବେକା ଦାସ ପ୍ରମୁଖ ଉପସ୍ଥିତ ଥିଲେ l ଅତିଥି ମାନେ କ୍ରୀଡା ଓ ସାଇକେଲ ଚାଳନା ସମ୍ପର୍କ ରେ ଆଲୋକପାତ କରିବା ସହ ସାଇକେଲ ଚାଳନା ଦ୍ୱାରା ଆମେ ସ୍ୱାସ୍ଥ୍ୟବାନ ରହିପାରିବା ବୋଲି କହିଥିଲେ l ଗୋପୀନାଥ ପଣ୍ଡା ଙ୍କ ତତ୍ୱାବଧାନ ରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିବା ବେଳେ ଆରତୀ ଚୌଧୁରୀ କାର୍ଯ୍ୟକ୍ରମ ର ସଂଯୋଜନା କରିଥିଲେ l ଏଥିରେ ସାଇକ୍ଲୀଷ୍ଟ ରଶ୍ମିତା କର, ବର୍ଷା ବାନାର୍ଜୀ, ପ୍ରମୋଦ କୁମାର ବେହେରା, ରିୟା କୁମାରୀ, ଶିବାନୀ, ସୁରେନ ପାଲ, ସଚି ପଣ୍ଡା, ଗୀତା ବାନାର୍ଜୀ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ l
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
