ଧରାକୋଟ ରେ ପଲ୍ସ ପୋଲିଓ କାର୍ଯ୍ୟକ୍ରମ
ଆସିକା, ୨୮/୬/୨୬ (ଶିବ ଶଙ୍କର ମିଶ୍ର ) ଧରାକୋଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ ଭାରପ୍ରାପ୍ତ ଚିକିତ୍ସା ଅଧିକାରୀ ଡାକ୍ତର ଏମ ଭି କେ ଅଶୋକ ଙ୍କ ତତ୍ତ୍ଵାବଧାନରେ ପଲ୍ସ ପୋଲିଓ କାର୍ଯ୍ୟକ୍ରମ ର ଶୁଭାରମ୍ଭ ହୋଇଛି । ମୁଖ୍ୟ ଅତିଥି ଭାବରେ ବ୍ଲକ ଅଧ୍ଯକ୍ଷା ସୁଲକ୍ଷଣା ଗୀତାଞ୍ଜଳି ଦେବୀ ଛୋଟ ଛୋଟ ପିଲା ମାନଙ୍କୁ ପୋଲିଓ ବୁନ୍ଦା ଖୁଆଇ ଏହାର ଶୁଭାରମ୍ଭ କରିଛନ୍ତି । ଏହି ଅବସରରେ ସମାଜସେବୀ ଶ୍ରୀମୟ ମହାପାତ୍ର, ଡାକ୍ତର ଶଙ୍କର ନାରାୟଣ ବେହେରା, ବି ପି ଏମ ଗୋଲକ ନାରାୟଣ ଗାରିଆଗଡୁ, ଏ ଏନ ଏକ କେ ବିଷ୍ଣୁପ୍ରିୟା ରେଡ୍ଡୀ, ସଙ୍ଗିତାଞ୍ଜଳି ପ୍ରଧାନ, ଆଶା କର୍ମୀ ଉର୍ମିଳା ବେହେରା, ରୀତାରାଣୀ ସ୍ୱାଇଁ, ଉଜ୍ଵଳା ସିଂ ଓ ବଙ୍ଗାଳୀ ଗୌଡ଼ ପ୍ରମୁଖ ଉପସ୍ଥିତ ରହିଥିଲେ। ଆଜି ସ୍ୱାସ୍ଥ୍ୟକେନ୍ଦ୍ର ପରିସରରେ ସୁନ ରୁ ପାଞ୍ଚ ବର୍ଷ ଯାଏଁ ପିଲାଙ୍କୁ ଏହି ବୁନ୍ଦା ଖୁଆ ଯାଇଥିବା ବେଳେ ଆସନ୍ତା ସୋମବାର ଓ ମଙ୍ଗଳବାର ଦିନ 52 ଗୋଟି ବୁଥ ସମେତ ଘରକୁ ଘର ବୁଲି ଏହି ବୁନ୍ଦା ଶିଶୁ ମାନଙ୍କୁ ଖୁଆଯିବ । ସମଗ୍ର ବ୍ଲକରେ 11,002 ଜଣ ଶିଶୁଙ୍କୁ ଏହା ଖୁଆଯିବା ପାଇଁ ଲକ୍ଷଧାର୍ଯ୍ୟ ହୋଇଛି । ପୋଲିଓ ମୁକ୍ତ ଭାରତ ପାଇଁ ଏହି ଅଭିଯାନ ଆରମ୍ଭ ହୋଇଛି । ଏହି ଅବସରରେ ଏକ ସଚେତନତା ରଥ କୁ ସୁପରି ଟେନଡେଣ୍ଟ ଡାକ୍ତର ଅଶୋକ ପତାକା ଦେଖାଇ ଶୁଭାରମ୍ଭ କରିଥିଲେ। ଏଥିରେ ସ୍ୱାସ୍ଥ୍ୟକେନ୍ଦ୍ର ର ସମସ୍ତ କର୍ମଚାରୀ ସହଯୋଗ ପ୍ରଦାନ କରିଥିଲେ।
