ବୋରିପଦର ଗ୍ରାମରେ ଭାଲୁ ଆତଙ୍କ
ନବରଙ୍ଗପୁର:(୧୨|୭)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ଡଙ୍ଗରିଗୁଡ଼ା ପଞ୍ଚାୟତ ବୋରିପଦର ଗ୍ରାମରେ ଭାଲୁ ଆତଙ୍କ ଦେଖିବାକୁ ମିଳିଛି। ଶନିବାର ରାତ୍ର ସମୟରେ ଏକ ଭାଲୁ ବୋରିପଦର ଗ୍ରାମ କିଛି ବାଟରେ ବୁଲୁଥିବା ଦେଖିବାକୁ ମିଳିଥିଲା । ବହୁ ସମୟ ଧରି ସେ ଗ୍ରାମ ପାଖରେ ରହିଥିବାରୁ ଡାବୁଗାଁ ବନ ବିଭାଗ କୁ ଖବର ଦିଆଯାଇଥିଲା । ଡାବୁଗାଁ ବନ ବିଭାଗର ବନପାଳ ପ୍ରଫୁଲ୍ଲ ମାଝୀ ଓ ଅନ୍ୟ କର୍ମଚାରୀଙ୍କ ସହଯୋଗରେ ଭାଲୁକୁ ଘଉଡାଇବାକୁ ଚେଷ୍ଟା କରିଥିଲେ । ପରେ ଭାଲୁଟି ପାଖରେ ଥିବା ଜଙ୍ଗଲ ମଧ୍ୟକୁ ଚାଲିଯାଇଥିଲା । ଏନେଇ ବୋରିପଦର ଗ୍ରାମରେ ଆତଙ୍କ ଖେଳିଯାଇଛି । ଭାଲୁଟି ଖାଦ୍ୟ ଅନ୍ୱେଷଣରେ ସେଠାକୁ ଆସିଥିବା ଡାବୁଗାଁ ବନାଞ୍ଚଳ ଅଧିକାରୀ ରାମ ଚନ୍ଦ୍ର ଭତ୍ରା ସୂଚନା ଦେଇଛନ୍ତି । ଯଦି ଭାଲୁକୁ ଦେଖନ୍ତି ସଙ୍ଗେ ସଙ୍ଗେ ବନ ବିଭାଗକୁ ଖବର ଦେବାପାଇଁ ବନାଞ୍ଚଳ ଅଧିକାରୀ ଶ୍ରୀ ଭତ୍ରl ସୂଚନା ଦେଇଛନ୍ତି ।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
