ଆନନ୍ଦପୁର, ୧୬/୫ : କଟକ ସାରଳା ଭବନସ୍ଥିତ ଆୟୋଜିତ ହୋଇଯାଇଛି ରାଜ୍ୟସ୍ତରୀୟ ସନ୍ଥ ଭୀମପ୍ରଭା ସାହିତ୍ୟ ମିତ୍ର ସମ୍ମାନ – ୨୦୨୨ । ଅନୁଗୁଳର ସନ୍ଥ କବି ଭୀମ ଭୋଇ ସାହିତ୍ୟ ପରିଷଦ ବଏଜା ପକ୍ଷରୁ ଏହି ଭବ୍ୟ କାର୍ଯ୍ୟକ୍ରମର ଆୟୋଜନ ହୋଇଥିଲା। ଏହି ଅବସରରେ ବହୁ କବି, କବୟତ୍ରୀ ଯୋଗଦେଇ ସମାଜରେ ସାହିତ୍ୟ ପ୍ରତି ଥିବା ତାଙ୍କର ନିଷ୍ଠାକୁ ଦର୍ଶାଇଥିଲେ । ଉପସ୍ଥିତ ଥିବା ଅତିଥି ବୃନ୍ଦ ଆଜିର ଯୁବ ସମାଜ ସାହିତ୍ୟ ପ୍ରତି ରୁଚି ରଖିବା ଆବଶ୍ୟକ ବୋଲି ତାଙ୍କର ମତ ପ୍ରକାଶ କରିଥିଲେ ।
ଚଳିତ ବର୍ଷ ଆନନ୍ଦପୁରର ଯୁବ କବି ଦେବବ୍ରତ ବାରିକଙ୍କୁ ରାଜ୍ୟସ୍ତରୀୟ ସନ୍ଥ ଭୀମପ୍ରଭା ସାହିତ୍ୟ ମିତ୍ର ସମ୍ମାନ – ୨୦୨୨ ପ୍ରଦାନ କରାଯାଇଛି । ସେ ଏହି ସମ୍ମାନକୁ ଆନନ୍ଦପୁରବାସୀଙ୍କ ଲାଗି ଉତ୍ସର୍ଗ କରିବା ସହ ସମ୍ବର୍ଦ୍ଧିତ ହୋଇ ନିଜକୁ ଗର୍ବ ଅନୁଭବ କରୁଛି ଏବଂ ଅଧିକ ଦାୟିତ୍ୱ ବଢ଼ି ଗଲା ପରି ଲାଗୁଛି ବୋଲି କହିଛନ୍ତି । ଏହାସହ ସନ୍ଥ କବି ଭୀମ ଭୋଇ ସାହିତ୍ୟ ପରିଷଦ ପରିବାରର ସଭାପତି ଗାୟତ୍ରୀ ଦେବୀ, ସମ୍ପାଦକ ସଂଗ୍ରାମ ବାବୁ ଏବଂ ସମସ୍ତ କର୍ମକର୍ତ୍ତାମାନଙ୍କୁ ଅଶେଷ ଧନ୍ୟବାଦ ଜଣାଇଛନ୍ତି । ଏହାସହ ବାପା ମା’ଙ୍କ ଆଶିର୍ବାଦ ଏବଂ ମୋର ଗୁରୁ ଗୁରୁଜନ ମାନଙ୍କ ଆଶୀର୍ବାଦ ଏମିତି ମୋ ମଥା ଉପରେ ଥାଉ ବୋଲି କହିଛନ୍ତି ।
ଆନନ୍ଦପୁର ରୁ ମଦନ ପାଣି ଙ୍କ ରିପୋର୍ଟ।
